05:48 20 փետրվարի 2018
Ուղիղ եթեր
Ֆեյսբուք սոցիալական ցանց

Ինչպես են ադրբեջանական հաքերները կոտրում Ֆեսյբուքի հայկական էջերը

© Sputnik/ Наталья Селиверстова
Հայաստան
Ստանալ կարճ հղումը
8841

Ադրբեջանական հաքերները վերջին մեկ տարվա ընթացքում սկսել են թիրախավորել Ֆեսյբուքի հայկական օգտատերերին: Վերջին ամսվա ընթացքում կոտրվել են հարյուրավոր պրոֆիլներ: Տեղեկատվական տեխնոլոգիաների անվտանգության փորձագետը նկարագրել է, թե ինչպես է դա տեղի ունենում:

ԵՐԵՎԱՆ, 1 մարտի — Sputnik. Տեղեկատվական տեխնոլոգիաների անվտանգության փորձագետ Սամվել Մարտիրոսյանն իր բլոգում գրել է, թե ինչու են ադրբեջանական հաքերները կոտրում հայ օգտատերերի հաշիվները։

«Ինչի՞ համար են նրանք դա անում: Հիմնականում, որ գան ու գրեն Ya zdes. Սակայն նաև ավելի խելացի են օգտագործում կոտրած պրոֆիլները: Օրինակ` ռազմական գործողությունների ժամանակ իբր հայերի անունից տարածում են կեղծ տեղեկատվություն: Օրինակ` իբր հայկական կողմը ծանր մարտական կորուստներ ունի:

Իսկ ինչպե՞ս են իրենք դա իրականացնում, ինչպե՞ս են կորտում պրոֆիլները: Իրականում, Մարտիրոսյանի խոսքով, ֆեյսբուքյան պրոֆիլը կոտրելը բավական բարդ գործ է:

Эксперт по информационной безопасности Самвел Мартиросян
© Sputnik/ Арам Нерсесян
Սամվել Մարտիրոսյան

«Եվ կոտրում են ոչ թե Ֆեյսբուքը, այլ օգտատերին: Ամենաընդունված ձևը՝ ֆիշինգն է: Այսինքն, ձև, երբ մարդ ինքն իր ձեռքով նվիրում է իր գաղտնաբառը հաքերներին»,- նշում է փորձագետը:

Նա ներկայացնում է ամենաթարմ տարբերակը: Տարածում են հղում ֆեյսբուքյան հավելվածի (application) վրա: Դա կարող է լինել խաղ, թեստ ու նման մի բան: Կարևոր չէ:

«Կարևորն այն է, որ սեղմողը հայտնվում է նոր էջում, ուր իրեն առաջարկում են ներմուծել նորից իր մուտքանունը և գաղտնաբառը: Եվ, վուալյա, դուք ինքներդ նվիրեցիք ձեր գաղտնաբառը ադրբեջանցի հաքերին»,- գրում է Մարտիրոսյանը:

Փորձագետը հորդորում է` երբեք մի մուտքագրեք ձեր գաղտնաբառերը կողմնակի հավելվածներում:

«Կամ ձեզ զգուշացնում են, որ ձեր էջը կարգելափակվի, եթե դուք ինչ-որ գործողություններ չանեք: Իբր Ֆեյսբուքի անվտանգությունն է ձեզ դիմում: Ու կրկին առաջարկում են գնալ հղումով ու մուտքագրել մուտքանունն ու գաղտնաբառը», — նշում է նա:

Մարտիրոսյանը վստահեցնում է` Ֆեյսբուքը ձեզ երբեք չի դիմի մեկնաբանության ձևով, դուք կստանաք ներքին հաղորդագրություն և ձեզնից չեն պահանջի ներմուծել գաղտնաբառը այլ կայքի վրա:

Գլխավոր թեմաներ