04:18 23 հունիսի 2018
Ուղիղ եթեր
  • USD482.19
  • GBP640.83
  • EUR561.80
  • RUB7.64
Քրեակատարողական հիմնարկ

Քրեակատարողական հիմնարկի աշխատակիցը կաշառք է պահանջել դատապարտյալից

© Sputnik / Табылды Кадырбеков
Հայաստան
Ստանալ կարճ հղումը
1120

ՀՀ հատուկ քննչական ծառայությունում քրեական գործ է հարուցվել դատապարտյալի օգտին ակնհայտ ապօրինի գործողություն կատարելու համար պետական հատուկ ծառայություն իրականացնող անձի կողմից կաշառք պահանջելու դեպքի առթիվ:

ԵՐԵՎԱՆ, 1 մարտի — Sputnik. ՀՀ ԱՆ «Հրազդան» քրեակատարողական հիմնարկի դատապարտյալ Ալեն Մ.-ն հաղորդում է տվել այն մասին, որ հունվարի 29-ին նույն հիմնարկի անվտանգության ապահովման բաժնի աշխատակից Էդգար Ա.-ն իր մոտ հայտնաբերել է «iPhone 6s» տեսակի բջջային հեռախոս, որը չառգրավելու և հիմնարկի ղեկավարությանն այդ մասին չհայտնելու համար իրենից կաշառք է պահանջել: Այս մասին հայտնում է ՀՀ հատուկ քննչական ծառայությունը։

Սակայն Ալեն Ա.-ն չի կատարել վերջինիս պահանջը և հաջորդ օրն իր հարազատների միջոցով հեռախոսը դուրս է հանել ՔԿ հիմնարկից:

Պահանջած գումարը չստանալով և դատապարտյալից տեղեկանալով, որ հիշյալ հեռախոսը քրեակատարողական հիմնարկից դուրս է բերվել, Էդգար Ա.-ն սպառնալիքներ է տվել վերջինիս, այնուհետև 31.01.2017թ.-ին զեկուցագիր ներկայացրել քրեակատարողական հիմնարկի պետին այն մասին, թե իբր Ալեն Ա.-ի մոտ նույն օրը բջջային հեռախոս է տեսել:

Այսպիսով, քրեակատարողական հիմնարկի աշխատակցի կողմից կաշառք պահանջելու դեպքի առթիվ ՀՀ քրեական օրենսգրքի 311-րդ հոդվածի 2-րդ մասով հարուցվել է քրեական գործ:

Կատարվում է նախաքննություն:

Գլխավոր թեմաներ