08:54 25 հունիսի 2019
Ուղիղ եթեր
  • USD477.81
  • GBP609.64
  • EUR544.32
  • RUB7.60
Արփինե Հովհաննիսյան

Դատական համակարգում կոռուպցիան անհանգստացրել է Արփինե Հովհաննիսյանին

© Sputnik / Asatur Yesayants
Հայաստան
Ստանալ կարճ հղումը
10310

Արդարադատության նախարար Արփինե Հովհաննիսյանը ներկայացրեց օրենքի նախագիծ, որը, նրա խոսքով, կնպաստի դատական համակարգում կոռուպցիոն ռիսկերի նվազեցմանն ու դատավորների ծանրաբեռնվածության թոթափմանը։

ԵՐԵՎԱՆ, 2 մարտի-Sputnik. Արդարադատության նախարար Արփինե Հովհաննիսյանը օրենքի նոր նախագիծը ներկայացնելուց առաջ նշեց, որ իր պաշտոնավարության առաջին իսկ օրերից տարբեր ձևաչափերով կրկնել է` արդարադատության նախարարը սահմանափակ լիազորություններ ունի դատական իշխանության վրա և դա համարում է իրավաչափ։ Միաժամանակ, Հովհաննիսյանը անհրաժեշտություն տեսավ բարեփոխել համակարգը։ Դրա համար էլ դատական համակարգի ախտորոշում են իրականացրել։

«Դատական համակարգը, տարբեր գնահատումների համաձայն, ունի ցածր վարկանիշ, որը պայմանավորված է ոչ միասնական դատական պրակտիկայով, նաև՝ դատական համակարգում կոռուպցիայի վերաբերյալ տարածված պատկերացումներով, քննության պահանջներից շեղումներով»,-ասաց արդարադատության նախարարը։

Հովհաննիսյանը շեշտեց` դատարանների նախագահներն ունեն որոշակի ազդեցություն դատավոների վրա, և դա գաղտնիք չէ ոչ մեկի համար։ Իրավիճակը պայմանավորված է այն լիազորություններով, որ նրան վերապահված է դատական օրենսգրքով։ Հետևաբար, Արփինե Հովհաննիսյանը ներկայացրեց փոփոխությունների շարքը։

«Վճռաբեկ դատարանի նախագահն այլևս իրավունք չունի հարուցել կարգապահական վարույթ վճռաբեկ դատարանի դատավորի նկատմամբ։ Դատարանների նախագահները չեն կարողանալու ընտրվել բարձրագույն դատական խորհրդի անդամի պաշտոնում։ Դատարանների նախագահները չեն կարող ընտրվել դատավորների ընդհանուր հանձնաժողովների կազմում։ Որպես օրինակ էթիկայի հանձնաժողովն է»,- ասաց նախարարը։

Բացի այդ, վճռաբեկ դատարանի նախագահը չի հանդիսանալու բոլոր դատարաններին սպասարկող կառույցի հիմնադրի անունից հանդես եկող պաշտոնատար անձ։ Արդարադատության նախարարը չթաքցրեց դատական համակարգի մի թերացում ևս. գործեր կան, որ քննվում են ամիսներով և տարիներով։

«Ծանրաբեռնվածության արդյունքում մի քանի գործերի հետ` ազատության իրավունք, անձնական կյանքի անձեռնմխելիության իրավունք, բնակարանի անձեռնխելիության իրավունք, քնվում են ոչ միայն քրեական գործերով դատավորների, այլև քաղաքացիական գործեր քննող դատավորների կողմից»,- ասաց նախարարը։

Արփինե Հովհաննիսյանը որպես պատճառ մեջբերեց դատավորների անբավարար թվաքանակը։ Մինչդատական վարույթի գործերով նախատեսում են մասնագիտացված դատավորների առկայություն, որոնք կքննեն նման գործերը։

Գլխավոր թեմաներ