ԵՐԵՎԱՆ, 3 մարտի — Sputnik. Արագածոտնի մարզի Օշական գյուղի բնակիչ Նորայր Խալոյանի ոչխարների և գառների հոտից սատկել է 150 գառ ու 70 ոչխար: Այս մասին Sputnik Արմենիային հայտնեց Օշականի գյուղապետ Արամ Ներսիսյանը։
Գյուղապետի խոսքով` դեպքը տեղի է ունեցել չորս օրվա ընթացքում, Խալոյանն այս հարցով գյուղապետարան է դիմել երեկ` մարտի 2-ին։
«Դեռ պարզ չէ, թե ինչն է եղել կենդանիների սատկելու պատճառը։ Անասնաբույժի խոսքով`չեն կարողանում այս հարցին պատասխանել, որովհետեւ Նորայրը բոլոր պատվաստումներն արել է»,-ասաց գյուղապետը:
Նրա խոսքով` անասուններին պետք է լաբորատորիա ուղարկեն։
Նորայր Խալոյանը հոտը գնել է վարկով և կառավարությանը խնդրում է միջնորդել, որպեսզի բանկերից վերցված վարկը 1,5-2 տարով սառեցվի:
