ԵՐԵՎԱՆ, 6 մարտի — Sputnik. 63-ամյա Ժորա Ասատրյանն այսօր հանկարծամահ է եղել Երևանի Արշակունյաց պողոտայում թիվ 8 երթուղայինում։ Այդ մասին տեղեկությունը Sputnik Արմենիային հաստատեց Շտապօգնության ծառայության տնօրեն Թագուհի Ստեփանյանը։
Նրա խոսքով՝ տղամարդը հանկարծամահ է եղել, նրա մոտ գրանցվել է սրտի կանգ։
Ժորա Ասատրյանը սրտի խնդիրներ է ունեցել և հենց այսօր բուժօգնության նպատակով գնացած է եղել հիվանդանոց։
Տղամարդու ինքնազգացողության վատանալու ժամանակ երթուղայինում եղել են նաև այլ ուղևորներ, որոնք էլ ահազանգել են Շտապօգնության ծառայություն։ Տղամարդը մահացել է մինչև Շտապօգնության ծառայության ժամանելը։
Դեպքի վայր են հասել մահացածի կինը, հարազատները։