ԵՐԵՎԱՆ, 22 մարտի — Sputnik. Ռուսաստանում Հայաստանի նորանշանակ դեսպան Վարդան Տողանյանը նշեց, որ այսօր Ռուսաստանում պաշտոնապես կա չորս հյուպատոսական հաստատություն` Մոսկվայում, Դոնի Ռոստովում, Սանկտ Պետերբուրգում և Սոչիում։
«Մենք հասկանում ենք, որ չենք ընդգրկում կենտրոնական Ռուսաստանը, Ուրալը, Հեռավոր Արևելքը։ Ասենք, Կամչատկայում կա շուրջ 2000 մարդ, բարդ է 9 ժամ թռչել` տեղեկանք ստանալու համար։ Մենք մտածում ենք արտագնա հյուպատոսների ինստիտուտը վերականգնելու մասին, որոնք պարբերաբար կմեկնեն, կհավաքեն փաստաթղթերը, կձևակերպեն դրանք», — ասաց Տողանյանը։
Երկրորդ տարբերակը` համայնքների օգնությամբ հավաքել դիմումները և ուղղորդել դրանք հյուպատոսարան։ Սակայն դեսպանատանը ցանկանում են կարգավորել այդ ամենը։ Առայժմ գլխավոր հյուպատոսության բացում չի նախատեսվում։