ԵՐԵՎԱՆ, 24 մարտի — Sputnik. ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը մարտի 24-ին ընդունել է Ռուսաստանի Դաշնության կապի և զանգվածային հաղորդակցության նախարար Նիկոլայ Նիկիֆորովին: Այս մասին ՀՀ
նախարարության լրատվական ծառայությունը։
Հայկական ու ռուսական կողմերը համաձայնության են եկել Մոսկվա-Երևան ավտոբուսային կանոնավոր ուղևորափոխադրումներ իրականացնելու շուրջ։ Հայաստանն արդեն մրցույթներ է անցկացրել Երևան-Սոչի, Երևան-Աստրախան, Երևան-Անապա և Երևան-Բրյանսկ ուղղություններով։
Նիկիֆորովը Հայաստան է այցելել՝ մասնակցելու մարտի 24-25-ը Երևանում կայանալիք Տեղեկատվական և հեռահաղորդակցական տեխնոլոգիաների կիրառման և տեղեկատվայնացման հարցերով ԵԱՏՄ անդամ պետությունների ղեկավարման և պետական իշխանության մարմինների ղեկավարների խորհրդակցությանը:
Խորհրդակցության շրջանակներում առաջին անգամ նախարարների մակարդակով կքննարկվեն տեղեկատվական-հեռահաղորդակցական տեխնոլոգիաների ոլորտին առնչվող արդիական խնդիրներ։ Մասնավորապես, տեղեկատվայնացման և տեղեկատվական-հեռահաղորդակցական տեխնոլոգիաների ոլորտում համաձայնեցված քաղաքականության և դրա իրականացման համար լիազորված մարմնի ստեղծմանն առնչվող հարցեր:
