ԵՐԵՎԱՆ, 2 ապրիլի – Sputnik. Էլեկտրոնային սարքավորումները գրեթե բոլոր ընտրատեղամասերում անխափան աշխատում են. այս մասին հայտնեց ԿԸՀ նախագահ Տիգրան Մուկուչյանը։ 2-ում տեխնիկական խափանումներ են եղել, մասնագետներն այժմ փորձում են վերացնել խափանումը, բայց քվեարկությունը չի ընդհատվել։ Իսկ մեկ տեղամասում փոխվել է էլեկտրոնային սարքի տեխնիկական սպասարկողը, ինչպես նշեց Մուկուչյանը, առողջական խնդիրների պատճառով։
08։00-ին բացված ընտրատեղամասերի 92 տոկոսում բացման պահին ներկա են եղել ԶԼՄ-ների և դիտորդական կազմակերպությունների ներկայացուցիչներ, ընտրությունները դիտարկելու համար գրանցվել է 650 միջազգային և 28 հազար 21 տեղական դիտորդ` տեղական ՀԿ-ներից։
ԿԸՀ-ն խոստացել է ժամը 12։00-ից սկսած` երեք ժամը մեկ քվեարկության ընթացի մասին նոր տեղեկություններ հայտնել։