22:43 22 օգոստոսի 2017
Ուղիղ եթեր
ԱԺ ընտրություններ. Շիրակի մարզում տեխնիկական խնդիրներ են առաջացել

ԱԺ ընտրություններ. Շիրակի մարզում տեխնիկական խնդիրներ են առաջացել

© Sputnik/ Armenuhi Mkhoyan
Հայաստան
Ստանալ կարճ հղումը
Ազգային ժողովի ընտրություններ. 2017 (97)
13211

Շիրակի մարզի տարածքում գործող ընտրատեղամասերում մեկնարկել է ընտրական գործընթացը, որոշ տեղերում տեխնիկական խնդիրներ են առաջացել:

ԵՐԵՎԱՆ, 2 ապրիլի — Sputnik. Շիրակի մարզի ընտրատեղամասերում սարքերը չեն տվել զրոյական կտրոններ կամ չեն կարողացել կարդալ անձնագրերը. այս մասին Sputnik Արմենիայի լրագրողին հայտնեց թիվ 30 ՏԸՀ նախագահ Գրիգոր Հովհաննիսյանը։

«Շուրջ 10 տեղամասից այդ բողոքը ստացել ենք: Փորձում ենք այս դեպքում ճշտումներ կատարել, իսկ եթե կրկին չաշխատեն, աշխատանքը շարունակում ենք համարակալված կտրոններով՝ գրանցամատյանում դրա մասին գրանցում կատարելուց հետո: Նույն կերպ համարակալած կտրոններով աշխատում ենք, եթե սարքը չի կարդում նաև անձնագիրը»,-նշեց Գրիգոր Հովհաննիսյանը՝ հավելելով, որ այս խնդիրները փորձ է արվում լուծել տեխնիկական պատասխանատուների միջամտությամբ:

Տվյալ Տարածքային ընտրական հանձնաժողովն ունի, նախնական տվյալով, մոտ 26 հազար ընտրող: Ըստ պատասխանատուի` ՏԸՀ-ի կազմում ընդգրկված բոլոր տեղամասերն իրենց հանձնաժողովի նիստերն անցկացրել են առավոտ ժամը 7։00-ին, իսկ 8։00-ին արդեն ընդունել են առաջին ընտրողներին:

Մարզի տարածքում գործում է 220 ընտրական տեղամաս, դրանցից 82-ը` Գյումրիում: Մարզում տեղամասերի գործունեությունը կանոնակարգում են 4 տարածքային հանձնաժողովները՝ թիվ 30, 31, 32 և 33:

թեմա:
Ազգային ժողովի ընտրություններ. 2017 (97)

Գլխավոր թեմաներ

  • Ծովակալ Իսակով

    …1941 թվականին Շլիսելբուրգի մերձակայքում նա կորցրեց ձախ ականջի լսողությունը, իսկ մեկ տարի անց Սոչիում անդամահատեցին նրա ոտքը` ազդրին հասցված բեկորային վիրավորման հետևանքով առաջացած փտախտի պատճառով։ Վիրահատությունից հետո երկու ժամ չէր շոշափվում զարկերակը, սակայն նա ողջ մնաց։

    6
  • Ծրագրավորող

    Հայաստանը, Բելառուսը, Մոլդովան, Ռուսաստանն ու Ուկրաինան աշխարհի ամենամեծ ՏՏ–շուկան են ձևավորել, որում ընդգրկված է 15 հազար մասնագետ և երկու հազար ընկերություն։ Այս եզրակացությանն են հանգել Yalantis ընկերության մասնագետները։

    12
  • Ատենախոսություն

    Հայաստանը գիտական գրագողությունների բացահայտմամբ նախկին ԽՍՀՄ–ում առաջին տեղում է։ Բացահայտվում են ոչ միայն Հայաստանում ու հայերենով, այլև արտերկրում այլ լեզուներով կատարված գրագողությունները, Sputnik Արմենիային հայտնեցին Բարձրագույն որակավորման հանձնաժողովից։

    32