ԵՐԵՎԱՆ, 2 ապրիլի — Sputnik. Քվերակությունից հետո Գագիկ Ծառուկյանը պատասխանեց լրագրողների հարցերին։
Անկախ նրանից, թե «Ծառուկյան» դաշինքը կհաղթի, թե ոչ Ծառուկյանը քվեարկությունից հետո հայտնեց, որ իր խոստացած ներդրումների մի մասն իրականություն է դարձնելու։
«Ես ո՛չ գումարի խնդիր ունեմ, ո՛չ պաշտոնի, ո՛չ հարգանքի»,- ասաց նա` ընդգծելով, որ միշտ օգնել է իր ժողովրդին և շարունակելու է օգնել։
Նշենք, որ Ծառուկյանն ավելի վաղ ասել էր, որ իր արտասահմանցի գործընկերների հետ զրուցել է, և նրանք պատրաստ են 15 մլրդ դոլարի ներդրում կատարել Հայաստանում։
Հայաստանի Ազգային ժողովի հերթական ընտրություններին մասնակցելու համար առաջադրվել է 9 քաղաքական ուժ, որոնցից 5-ը կուսակցություններ են, 4-ը` կուսակցությունների դաշինքներ: Ընտրություններին մասնակցում են Հայաստանի Հանրապետական, «Հայկական վերածնունդ», «Ազատ դեմոկրատներ», «Հայ Յեղափոխական Դաշնակցություն», Հայաստանի Կոմունիստական կուսակցությունները, ինչպես նաև «Ելք», «Ծառուկյան», «Օհանյան-Րաֆֆի-Օսկանյան» և «Կոնգրես-ՀԺԿ» դաշինքները:
