ԵՐԵՎԱՆ, 2 ապրիլի — Sputnik. ՀԿԿ նախագահ Տաճատ Սարգսյանը քվեարկել է անվտանգության ապահովման ու խաղաղության համար: Այս մասին ՀԿԿ ղեկավարը լրագրողներին հայտնեց Երևանի 9/18 ընտրատեղամասում ընտրությունը կատարելուց հետո:
Տաճատ Սարգսյանը նաև շնորհակալություն հայտնեց լրագրողներին՝ քարոզարշավի ընթացքում իր ղեկավարած քաղաքական ուժին լուսաբանելու օբյեկտիվ վերաբերմունքի համար:
ՀԿԿ նախագահը հույս հայտնեց, որ վաղը Հայաստանում ստեղծվելու է նոր քաղաքական իրավիճակ:
Հայաստանի Ազգային ժողովի հերթական ընտրություններին մասնակցելու համար առաջադրվել է 9 քաղաքական ուժ, որոնցից 5-ը կուսակցություններ են, 4-ը` կուսակցությունների դաշինքներ: Ընտրություններին մասնակցում են Հայաստանի Հանրապետական, «Հայկական վերածնունդ», «Ազատ դեմոկրատներ», «Հայ Յեղափոխական Դաշնակցություն», Հայաստանի Կոմունիստական կուսակցությունները, ինչպես նաև «Ելք», «Ծառուկյան», «Օհանյան-Րաֆֆի-Օսկանյան» և «Կոնգրես-ՀԺԿ» դաշինքները:
