22:12 23 հունվարի 2018
Ուղիղ եթեր
Գարեգին Բ Ամենայն Հայոց Կաթողիկոս

Կաթողիկոսը քվեարկեց. Թող ընտրությունները մեր ժողովրդին առաջընթաց ու զարգացում բերեն

© Sputnik/ Sergey Melkonov
Հայաստան
Ստանալ կարճ հղումը
24 0 0

Գարեգին Բ Ամենայն Հայոց Կաթողիկոսը` Մայր Աթոռ Ս. Էջմիածնի միաբանների ուղեկցությամբ, ապրիլի 2-ի առավոտյան այցելել է Էջմիածին քաղաքի 14/11 ընտրական տեղամաս և մասնակցել ՀՀ ԱԺ ընտրությունների քվեարկությանը:

ԵՐԵՎԱՆ, 2 ապրիլի — Sputnik. Քաղաքացիական պարտքը կատարելուց հետո Գարեգին Բ Ամենայն Հայոց Կաթողիկոսն ասաց.

«Մեր քվեարկությունը կատարեցինք` բարին մաղթելով, հայցելով, որ այս ընտրությունները մեր ժողովրդին բերեն առաջընթաց, զարգացում եւ ապահովեն խաղաղ, անվրդով կյանք, նաեւ հավելեն մեր ժողովրդի կյանքում լավատեսություն, հույս ու հավատ: Թող Աստված օրհնի մեր երկիրը եւ աշխարհասփյուռ ազգս հայոց»:

Հայաստանի Ազգային ժողովի հերթական ընտրություններին մասնակցելու համար առաջադրվել է 9 քաղաքական ուժ, որոնցից 5-ը կուսակցություններ են, 4-ը` կուսակցությունների դաշինքներ: Ընտրություններին մասնակցում են Հայաստանի Հանրապետական, «Հայկական վերածնունդ», «Ազատ դեմոկրատներ», «Հայ Յեղափոխական Դաշնակցություն», Հայաստանի Կոմունիստական կուսակցությունները, ինչպես նաև «Ելք», «Ծառուկյան», «Օհանյան-Րաֆֆի-Օսկանյան» և «Կոնգրես-ՀԺԿ» դաշինքները:

 

Գլխավոր թեմաներ