ԵՐԵՎԱՆ, 2 ապրիլի — Sputnik. Գյումրու քաղաքապետ Սամվել Բալասանյանն ընտրություն կատարելուց հետո ասաց, որ քվեարկել է հանուն բարեփոխումների, զարգացման, հանուն Հայաստանի Հանրապետության և հանուն Գյումրու։
Բալասանյանը կոչ արեց գյումրեցիներին ակտիվ մասնակցություն ունենալ ընտրություններին:
Հայաստանի Ազգային ժողովի հերթական ընտրություններին մասնակցելու համար առաջադրվել է 9 քաղաքական ուժ, որոնցից 5-ը կուսակցություններ են, 4-ը` կուսակցությունների դաշինքներ: Ընտրություններին մասնակցում են Հայաստանի Հանրապետական, «Հայկական վերածնունդ», «Ազատ դեմոկրատներ», «Հայ Յեղափոխական Դաշնակցություն», Հայաստանի Կոմունիստական կուսակցությունները, ինչպես նաև «Ելք», «Ծառուկյան», «Օհանյան-Րաֆֆի-Օսկանյան» և «Կոնգրես-ՀԺԿ» դաշինքները: