00:11 19 օգոստոսի 2017
Ուղիղ եթեր
Էդուարդ Շարմազանով

ՀՀԿ. Նորմալ ընտրական գործընթաց է

© Sputnik/ Алексей Даничев
Հայաստան
Ստանալ կարճ հղումը
Ազգային ժողովի ընտրություններ. 2017 (97)
1521

ՀՀԿ-ն ընտրական գործընթացը նորմալ է որակում: Հանրապետական կուսակցության գրասենյակում լրագրողների հետ հանդիպմանը հայտարարեց ՀՀԿ խոսնակ Էդուարդ Շարմազանովը:

ԵՐԵՎԱՆ, 2 ապրիլի — Sputnik. ՀՀԿ խոսնակ Էդուարդ Շարմազանովը քվեարկության ընթացքը նորմալ գնահատեց, իսկ դիտորդների ահազանգերը բաժանեց 2 մասի՝ «օբյեկտիվ, որոնց արձագանքել են պատկան կառույցները, և չակերտավոր ահազանգեր, որոնց նպատակն է ստվերել ընտրական գործընթացը»:

«Չի եղել մի ահազանգ, որը ոստիկանությունը, դատախազությունը կամ քննչական կոմիտեն չմեկնաբանեն»,- ասաց նա՝ հավելելով, որ շատ դեպքերում, երբ վերջինները գնացել են, տեղում պարզվել է, որ փաստեր չկան:

Անդրադառնալով առաջին անգամ կիրառվող ընտրական նոր ընթացակարգին, այդ թվում՝ էլեկտրոնային սարքերին, ՀՀԿ խոսնակն ասաց.

«Մենք հասել ենք մեր նպատակին, իսկ մեր հիմնական նպատակը եղել է. ա) որ ընտրողի ձայնը չկորի, բ) ընտրողի ձայնը չկեղծվի, գ) ինչպիսի մեխանիզմներ էլ ներդրվեն, դրանց ազդեցությունը լինի զրոյական»,- ասաց Շարմազանովը:

ՀՀԿ խոսնակն անդրադարձավ նաև լրագրողի նկատմամբ կատարված ոտնձգության փաստին՝ հնչեցնելով, իր բնորոշմամբ՝ բացառապես քաղաքական գնահատական:

«Լրագրողի մասնագիտական գործունեության նկատմամբ ցանկացած խոչընդոտ մենք որպես քաղաքական ուժ դատապարտում ենք՝ անկախ նրանից, թե ով է արել: Բայց երբ գործն արդեն իրավապահների տիրույթում է, նրանք պետք է իրականացնեն հետագա քննությունը»,- ասաց Շարմազանովը:

թեմա:
Ազգային ժողովի ընտրություններ. 2017 (97)

Գլխավոր թեմաներ