13:17 19 օգոստոսի 2017
Ուղիղ եթեր
Քրեակատարողական հիմնարկ

Պարզաբանում` քրեակատարողական հիմնարկներում ընտրական խախտումների վերաբերյալ

© Sputnik/ Алексей Филиппов
Հայաստան
Ստանալ կարճ հղումը
Ազգային ժողովի ընտրություններ. 2017 (97)
16 0 0

ՀՀ Արդարադատության նախարարության ՔԿՎ հանրային կապերի բաժինը պարզաբանել է մամուլում տեղ գտած հաղորդումները` քրեակատարողական հիմնարկներում ընտրողներին ուղղորդելու մասին։

ԵՐԵՎԱՆ, 2 ապրիլի — Sputnik. ՀՀ Արդարադատության նախարարության ՔԿՎ հանրային կապերի բաժինը պարզաբանել է տեղեկատվությունը, որ քրեակատարողական հիմնարկներում ընտրողներին ստիպել են բոլոր քվեաթերթիկները դնել ծրարի մեջ և գցել քվեատուփը։

Հաղորդագրության մեջ, մասնավորապես, ասված է.

«2017թ-ի ապրիլի 2-ին համացանցում հրապարակվել է մասնավորապես «Անկախ դիտորդ» հասարակական դաշինքի հաղորդագրությունն այն մասին, թե իբրև քրեակատարողական հիմնարկներում ընտրողներին ստիպում են ծրարի մեջ դնել բոլոր ինը քվեաթերթիկները և գցել քվեատուփի մեջ և ավելացրել, որ կտրոն տրամադրելու վերաբերյալ ազատազրկված անձանց պահանջին ուշադրություն չդարձնելով՝ ստիպում են ծրարն արագ գցել քվեատուփի մեջ և լքել տարածքը:

Նույն հաղորդագրության համաձայն` բոլոր քրեակատարողական հիմնարկներում նույն իրավիճակն է տիրում և դա մի նպատակ է հետապնդում. որ վերջում ծրարից հանեն ՀՀԿ քվեաթերթիկը, իսկ մյուսները` դեն նետեն:

Քրեակատարողական ծառայությունն ի գիտություն պարզաբանում է, որ ընտրական հանձնաժողովների կազմավորման, դրանց գործունեության կազմակերպման, ինչպես նաև տեղամասային կենտրոններում քվեարկությունը կազմակերպելու իրավասությունը վերապահված է ՀՀ կենտրոնական ընտրական հանձնաժողովին, տարածքային ընտրական հանձնաժողովներին և տեղամասային ընտրական հանձնաժողովներին»:

 

թեմա:
Ազգային ժողովի ընտրություններ. 2017 (97)

Գլխավոր թեմաներ