15:49 23 օգոստոսի 2017
Ուղիղ եթեր
Ընտրություններ

Ձերբակալել են ուրիշի փոխարեն քվեարկելու համար

© Sputnik/ Asatur Yesayants
Հայաստան
Ստանալ կարճ հղումը
Ազգային ժողովի ընտրություններ. 2017 (97)
41 0 0

Դատախազության և ոստիկանության ներկայացուցիչներն ԱԺ ընտրությունների քվեարկության ընթացքի վերաբերյալ տեղեկություններ հայտնեցին լրագրողներին։

ԵՐԵՎԱՆ, 2 ապրիլի — Sputnik. Ընտրախախտումների վերաբերյալ հարուցվել է 1 քրեական գործ, կա ձերբակալված. ԿԸՀ-ում լրագրողների հետ հանդիպմանը հայտարարեց ՀՀ գլխավոր դատախազության հատկապես կարևոր գործերով քննության վարչության պետի տեղակալ Սևակ Հովհաննիսյանը։

Ասուլիսից հետո, պատասխանելով Sputnik Արմենիայի հարցին, Հովհաննիսյանը հստակեցրեց, որ քրեական գործը հարուցվել է այլ անձի փոխարեն քվեարկության հարցով։

Ընդհանուր առմամբ գլխավոր դատախազությունը օրվա ընթացքում ստացված ահազանգերից առանձնացրել է 338-ը, որոնք իրավապահների կարծիքով պարունակում են ընտրական հանցագործության առերևույթ հատկանիշներ։

Դրանցից 10-ը վերաբերում են ընտրակաշառքներին, 100-ը այլ անձի փոխարեն քվեարկության կամ կրկնաքվեարկությանը, 102-ը` ընտրողի կամքի ազատ արտահայտման իրականացման խոչընդոտմանը, 51-ը` ընտրական հանձնաժողովի անդամների, լրագրողների և վստահված անձանց աշխատանքի խոչընդոտմանը, 62-ը` քվեարկության գաղտնիության խախտմանը, 1-ը` ընտրողների ցուցակների սխալ կազմմանը։

«Օրվա ընթացքում մեր ուշադրությունից դուրս չմնաց ԶԼՄ-ների հրապարակումներից ոչ մեկը, բոլորն ուսումնասիրվել են, իսկ առերևույթ հանցագործության հատկանիշներ պարունակողները ուղարկվել են ոստիկանության և քննչական կոմիտեի տարածքային բաժիններ։ Հրապարակումների ճնշող մեծամասնությունը վերաբերել է կազմակերպչական և տեխնիկական խնդիրների, շատ դեպքերում փաստերը ուսումնասիրության արդյունքում հերքվել են»,- ասաց Սևակ Հովհաննիսյանը։

Օրվա ընթացքում Ոստիկանությունն ուսումնասիրել է 176 ահազանգ, որոնից 23-ը չի հիմնավորվել, 32-ն ուղարկվել է նախաքննության, մյուսների ուսումնասիրությունն ու նյութերի նախապատրաստումը դեռ շարունակվում է։ Այս մասին լրագրողներին հայտնեց ՀՀ ոստիկանության պետի աշխատակազմի ղեկավար Մերուժան Հակոբյանը։

թեմա:
Ազգային ժողովի ընտրություններ. 2017 (97)

Գլխավոր թեմաներ