ԵՐԵՎԱՆ, 3 ապրիլի — Sputnik. ԿԸՀ-ն ամփոփել և հրապարակել է ապրիլի 3-ի ժամը 02:00-ի դրությամբ ՀՀ-ի 2009 ընտրատեղամասերից 352 —ում անցկացված քվեարկության արդյունքները։
«Ելք» դաշինքի օգտին քվեարկել է ընտրողների 3,92 %-ը, «Ազատ դեմոկրատներ» կուսակցության օգտին` 0,60 %-ը, «Հայկական վերածնունդ» կուսակցության օգտին` 3,78 %-ը, «Ծառուկյան» դաշինքի օգտին` 25,60 %-ը, «Կոնգրես-ՀԺԿ»-ի օգտին` 1,23 %-ը, ՀՀԿ-ի օգտին` 54,06 %-ը, ՀԿԿ-ի օգտին` 0,45 %-ը, ՕՐՕ-ի օգտին` 2,20 %-ը, ՀՅԴ-ի օգտին` 8,17 %-ը։
Տվյալները պարբերաբար թարմացվում են elections.am կայքում։
ՀՀ 6-րդ գումարման Ազգային ժողովի հերթական ընտրություններն անցկացվեցին ապրիլի 2-ին։ Ընտրության մասնակցության հայտ էր ներկայացրել 9 քաղաքական ուժ, որոնցից 5-ը կուսակցություններ են, 4-ը` կուսակցությունների դաշինքներ: Ընտրություններին մասնակցում են Հայաստանի Հանրապետական, «Հայկական վերածնունդ», «Ազատ դեմոկրատներ», «Հայ Յեղափոխական Դաշնակցություն», Հայաստանի Կոմունիստական կուսակցությունները, ինչպես նաև «Ելք», «Ծառուկյան», «Օհանյան-Րաֆֆի-Օսկանյան» և «Կոնգրես-ՀԺԿ» դաշինքները:
