06:43 22 սեպտեմբերի 2017
Ուղիղ եթեր
Կարեն Կարապետյան

Վարչապետը մարդկային պարզ երջանկություն է մաղթում հայ կանանց

© Official FB page
Հայաստան
Ստանալ կարճ հղումը
2120

ՀՀ վարչապետը շնորհավորել է հայ կանանց` նշելով, որ իրենք հնարավոր ամեն ինչ անելու են, որպեսզի մայրությունը Հայաստանում լինի պետության կողմից մաքսիմալ պաշտպանված և մայր դարձած կինն իրեն զգա պետության հոգատարության ներքո։

ԵՐԵՎԱՆ, 7 ապրիլի — Sputnik. ՀՀ վարչապետ Կարեն Կարապետյանը Մայրության և գեղեցկության օրվա առթիվ ուղերձ է հղել` սրտանց շնորհավորելով հայ կանանց ու աղջիկներին։

«Ցանկանում եմ մեր մայրերին, տատիկներին, կանանց, քույրերին, դուստրերին մարդկային պարզ երջանկություն, թող ձեր օջախներում միշտ լինի ջերմություն, սեր, հոգատարություն և բարություն»,- նշել է վարչապետը:

Ըստ նրա` մայրերը հայ օջախների հենքն են ու սյունը, և այսօր պարզապես առիթ է ևս մեկ անգամ արտահայտելու անսահման սերն ու հարգանքը կանանց նկատմամբ:

«Ես ուզում եմ հավաստիացնել, որ մենք տրամադրված ենք անել ամեն հնարավորը, որպեսզի մայրությունը Հայաստանում լինի պետության կողմից մաքսիմալ պաշտպանված և մայր դարձած կինը իրեն զգա պետության հոգատարության ներքո»,- նշված է վարչապետի ուղերձում:

Ըստ Կարապետյանի` կանայք մեր հասարակության մեջ շատ կարևոր դեր են զբաղեցնում։

«Մենք հետևողական ենք լինելու, որպեսզի կանայք մեր երկրում ունենան բոլոր հնարավորություններն իրենց դրսևորելու և ներգրավված լինելու մեր երկրի զարգացման բոլոր գործընթացներում»,- ասել է վարչապետը` կրկին անգամ շնորհավորելով տոնի կապակցությամբ:

Գլխավոր թեմաներ