14:29 21 սեպտեմբերի 2017
Ուղիղ եթեր
Պետական գանձարանի նոր նմուշներ «ջրի երես» դուրս եկան

Պետական գանձարանի նմուշները «ջրի երես» դուրս եկան

© Sputnik/ Asatur Yesayants
Հայաստան
Ստանալ կարճ հղումը
39710

Ֆինանսների նախարարության «Թանկարժեք մետաղների և թանկարժեք քարերի պետական գանձարան» գործակալությունը Հայաստանի պատմության թանգարանում ներկայացրեց ազգային պահուստի պատմամշակութային աժեքները։

ԵՐԵՎԱՆ, 7 ապրիլի — Sputnik. 1990-ականներից հետո առաջին անգամ ազգային պահոցի արժեքները «հաղորդակցվում» են հանրության լայն շրջանակների հետ։ Իսկ դա այն բանից հետո, երբ ֆինանսների նախարարությունը որդեգրեց բաց ու թափանցիկ քաղաքականություն։

Գոտիներ, վզնոց և դաշույն։ Թվով 8 նմուշ ներկայացվեց Հայաստանի պատմության թանգարանում։ Դրանք հիմնականում Հայաստան են հասել մաքսային ճանապարհով, բռնագանձման տարբերակով։

«Սա ունի փուլային բնույթ, շարունակական է լինելու։ Սրանք միակ արժեքները չեն, շատ կան։ Ժամանակի ընթացքում մոտավորապես 50 նմուշ կցուցադրվի»,- ասաց ՀՀ ֆինանսների նախարարության աշխատակազմի «Թանկարժեք մետաղների և թանկարժեք քարերի պետական գանձարան» գործակալության պետ Վահե Առաքելյանը։

Թանգարանում ներկայացված գոտիները 19-20-րդ դարերի են պատկանում։ Թե ում են պատկանել և ում ձեռամբ «ծնունդ առել», հայտնի չէ։ Բայց զարդանախշերը խոսում են դրանց բնույթի մասին։

Культурно-исторические экспонаты из архивов Государственного казначейства были представлены в Государственном музее
© Sputnik/ Asatur Yesayants
Պետական գանձարանի զարդերը

Առհասարակ 18-20-րդ դարերում Արևելյան ու Արևմտյան Հայաստանում շատ տարածված են եղել արծաթե գոտիները։ Նմանօրինակ գոտիները հաճախ նվեր են ստացել հարսանիքի առթիվ որպես օժիտ»,- ասաց Հայաստանի պատմության թանգարանի ազգագրության բաժնի աշխատող Աստղիկ Իսրայելյանը։

Իսկ արծաթյա դաշույնը ստեղծվել է Հյուսիսային Կովկասում։ Ենթադրվում է, որ հեղինակը հայ է, քանի որ զարդանախշերը Վանի թագավորության ոճով են արված։

Ֆինանսների փոխնախարար Արմեն Հայրապետյանն էլ իր խոսքում նշեց, որ նման նմուշները պահպանման խնդիր չունեն, բայց առանձնակի շեշտեց պետական գանձարանի այն ունեցվածքի մասին, որը ենթարկվում է ժամանակի հրամայականին։

Культурно-исторические экспонаты из архивов Государственного казначейства были представлены в Государственном музее. Армен Айрапетян
© Sputnik/ Asatur Yesayants
Արմեն Հայրապետյան

«Մենք ունենք մարգարիտներ` բավական երկար մնացած պահոցում, որոնք իրենց արդիականությունը կորցնում էին, հետևաբար ճիշտ էր այն հանել իրացման։ Ցավոք, ուզում եմ նշել, որ մարգարիտների նկատմամբ որևէ պահանջարկ չի ներկայացվել»,- ասաց ՀՀ ֆինանսների փոխնախարար Արմեն Հայրապետյանը։

Նա նշեց, որ այս հարցում պետք է մշակվեն այնպիսի մոտեցումներ, որտեղ պետություն-քաղաքացի համագործակցությունը գոհացուցիչ լինի։

Տեղեկացնենք, որ ներկայացված 8 նմուշները Հայաստանի պետական թանգարանում կմնան 2 ամիս։

Русская версия

Գլխավոր թեմաներ