ԵՐԵՎԱՆ, 7 ապրիլի — Sputnik. «Եվրատեսիլ» երգի մրցույթի հայաստանյան ներկայացուցիչ Արծվիկը «Ֆեյսբուք» սոցիալական ցանցում հանդես էր եկել նոր նախաձեռնությամբ։ Նա «Եվրատեսիլի» այս տարվա մասնակիցներին առաջարկել էր հայկական ազգային երգ երգել։ Արծվիկի հերթական մարտահրավերն ուղղված է Բելառուսը ներկայացնող «Naviband» դուետին։
«Ողջույն մելոմաններ։ Շարունակում ենք «Celebrate Diversity Challenge»-ը։ Այս անգամ ներկայացնում եմ բելառուսական «Купалинка» երգն ու մարտահրավեր նետում «Եվրատեսիլ 2017-ի» Բելառուսի ներկայացուցիչ NaviBand խմբին։ Սիրելիներս, սկսեք հայերեն պարապել»,- գրել է Արծվիկը։
Բելառուսի ներկայացուցիչներն արձագանքել են հայ երգչուհու կոչին և երգել են «Մաշինան եկավ» երգը։
«Եվրատեսիլ-2017» մրցույթն այս տարի կանցկացվի մայիսի 9-ին, 11-ին և 13-ին Կիևում: Հայաստանի ներկայացուցիչը՝ Արծվիկը, ելույթ կունենա մայիսի 9-ին՝ 1-ին կիսաեզրափակչի ընթացքում: Մրցույթն այս տարի կանցկացվի «Տոնենք բազմազանությունը» կարգախոսի ներքո:
