15:38 17 հոկտեմբերի 2017
Ուղիղ եթեր
Զորակոչ

Նախարար. ժամկետային զինծառայողների ծառայության ժամկետի ավելացում չի սպասվում

© Sputnik/ Asatur Yesayants
Հայաստան
Ստանալ կարճ հղումը
14 0 0

Երկու տարվա առկա ծառայության մոդելը շարունակելու է գոյություն ունենալ, նշեց պաշտպանության նախարարը։

ԵՐԵՎԱՆ, 21 ապրիլի — Sputnik. Ստանդարտ 2 տարվա ծառայության ժամկետի ավելացում չի սպասվում, ասաց ՀՀ պաշտպանության նախարար Վիգեն Սարգսյանը։

Նրա խոսքով` «Պատիվ ունեմ» և «Ես եմ» նոր ծրագրերը չեն ավելացնում զինծառայողների քանակը։

«Խոսքը զորակոչիկին այլընտրանք տրամադրելու մասին է, ծառայության առկա մոդելը ոչ ոք մտադիր չի չեղարկելու։ Բացի այդ, մենք չենք նախատեսում երկարացնել ժամկետային զինծառայողների ծառայությունը»,- ասաց Սարգսյանը։

Նախարարը նշեց, որ նման հնարավորություն տալն իրենց պարտականությունն է, դա արվում է նաև հասարակության վստահությունը բարձրացնելու համար։

Նրա կարծիքով` խոսքը զորակոչիկների ռեսուրսն ավելի արդյունավետ կառավարելու մասին է։

Առաջին ծրագիրը կոչվում է «Պատիվ ունեմ»։ Բուհերի այն ուսանողները, որոնք կորոշեն օգտվել այդ ծրագրից, բանակից տարկետում կստանան բակալավրիատում ուսումը շարունակելու համար։ Ուսման ավարտին նրանք լեյտենանտի կոչումով կանցնեն զինծառայության` երեք տարի ժամկետով։ Ծառայության ընթացքում աշխատավարձ կտրվի նրանց։

Ժամկետային ծառայության վերջում ուսանողները ֆինանսական օգնություն կստանան`մագիստրատուրայում ուսումը շարունակելու համար։

Երկրորդ ծրագիրը կոչվում է «Ես եմ»։ Նախատեսված է այն զինակոչիկների համար, որոնք կցանկանան առաջնագծում ծառայել։ Այդ դեպքում նրանք կանցնեն ծառայության նոր տեսակի` ժամկետային-պայմանագրային։ Ծառայության ժամկետը` 3 տարի։ Ընդ որում, երեք տարվա ընթացքում զինծառայողը կարող է յոթ ամիս անցկացնել արձակուրդում։ Արձակուրդը վարձատրվելու է։

Ծառայության ավարտին քաղաքացու հաշվին կփոխանցվի հինգ միլիոն դրամ։ Այդ գումարը նա կարող է օգտագործել առաջարկված երեք ծրագրերի սահմանում` բնակարանի ձեռքբերում, մինի ֆերմա և ուսման վճար։

Գլխավոր թեմաներ