01:11 23 օգոստոսի 2019
Ուղիղ եթեր
  • USD475.91
  • GBP577.33
  • EUR527.40
  • RUB7.25
Աբովյան 8

«Հին Երևանի կանգուն վկաները». Աբովյան 8

© Sputnik / Asatur Yesayants
Հայաստան
Ստանալ կարճ հղումը
Ռուբեն Շուխյան
«Հին Երևանի կանգուն վկաները» (12)
63141

Sputnik Արմենիայի «Հին Երևանի կանգուն վկաները» խորագրով շարքի այս հրապարակումը Աբովյան 8 հասցեում գտնվող կառույցի մասին է, որը եղել է առևտրական Բարսեղ Եղիազարյանի առանձնատունը:

Ներկայացվող Աբովյան 8 շենքը վերջերս հիմնովին և մասնագիտական բարձր որակով վերանորոգվել է, և այժմ այստեղ է տեղակայված «Նոյյան տապան» գրախանութը: Շենքը դարասկզբին պատկանել է երևանաբնակ մեծահարուստ առևտրական Բարսեղ Եղիազարյանին, որը նաև ժամանակին ճանաչված հասարակական գործիչ էր՝ Երևանի քաղաքային դումայի պատգամավոր: Նա հայտնի է եղել իր բարեգործական ձեռնարկումներով, խոշոր ներդրումներ է կատարել Երևանի ջրմուղի կառուցման հիմնադրամի համար: Բարսեղ Եղիազարյանը 19-րդ դարավերջին, 20-րդ դարասկզբին Երևանում ունեցել է բամբակամշակման արտադրություն, կտորեղենի երկու խոշոր խանութ և երեք բնակելի տուն քաղաքի կենտրոնական հատվածում:

Աբովյան 8 շենքը կառուցվել է Երևանի բազմաթիվ բարձրարվեստ շինությունների հեղինակ ճարտարապետ Վասիլի Միրզոյանի նախագծով: Չնայած Աբովյան 8-ի հիմնադրումը ընդունված է համարել 1880-ական թվականները, բայց փաստերը վկայում են (այդ թվում նաև Վասիլի Միրզոյանի անձնական նամակագրությունը), որ շինարարությունը վերջնականապես իր ավարտին է հասցվել և շենքն իր ներկայիս տեսքն է ստացել 1905 թվականից ոչ շուտ: Սև տուֆից, երկհարկանի, նրբաճաշակ հորինվածքով, բազմաթիվ կամարներով և զարդաքանդակներով այս շենքը իրավմամբ համարվում է այդ ժամանակաշրջանի Երևանի ամենագեղեցիկ կառույցներից մեկը և Վասիլի Միրզոյանի լավագույն ճարտարապետական նախագիծը:

Շենքը նաև պատմական մեծ արժեք է ներկայացնում: 1914 թվականից, 1-ին համաշխարհային պատերազմի հենց սկզբից, այստեղ երկրորդ հարկում սկսում է գործել Երևանի բարեգործական ընկերության կողմից հիմնված «Հայկական հիվանդանոցը»՝ 30 մահճակալով, որը նախատեսված էր ռազմաճակատի վիրավոր զինվորների համար: Այն կառավարում էր 20 հայ տիկնանցից բաղկացած կոմիտեն, իսկ հիվանդանոցի տնօրենն էր անվանի բժիշկ-վիրաբույժ Հովհաննես Հովհաննիսյանը։ 1918-ի մայիսի վերջին հիվանդանոցն արդեն իր խնամակալության տակ է առնում Սարդարապատի ճակատամարտի վիրավոր հերոսներին:

  • Աբովյան 8 հասցեում գտնվող շենքը
    Աբովյան 8 հասցեում գտնվող շենքը
    © Sputnik / Asatur Yesayants
  • Աբովյան 8 շենքը վերջերս հիմնովին և մասնագիտական բարձր որակով վերանորոգվել է
    Աբովյան 8 շենքը վերջերս հիմնովին և մասնագիտական բարձր որակով վերանորոգվել է
    © Sputnik / Asatur Yesayants
  • Շենքի զարդաքանդակները
    Շենքի զարդաքանդակները
    © Sputnik / Asatur Yesayants
  • Աբովյան 8 շենքը կառուցվել է Երևանի բազմաթիվ բարձրարվեստ շինությունների հեղինակ ճարտարապետ Վասիլի Միրզոյանի նախագծով
    Աբովյան 8 շենքը կառուցվել է Երևանի բազմաթիվ բարձրարվեստ շինությունների հեղինակ ճարտարապետ Վասիլի Միրզոյանի նախագծով
    © Sputnik / Asatur Yesayants
  • Սև տուֆից, երկհարկանի, նրբաճաշակ հորինվածքով, բազմաթիվ կամարներով և զարդաքանդակներով շենքը
    Սև տուֆից, երկհարկանի, նրբաճաշակ հորինվածքով, բազմաթիվ կամարներով և զարդաքանդակներով շենքը
    © Sputnik / Asatur Yesayants
  • Շենքը պատմական մեծ արժեք է ներկայացնում
    Շենքը պատմական մեծ արժեք է ներկայացնում
    © Sputnik / Asatur Yesayants
  • 1914 թվականից, 1-ին համաշխարհային պատերազմի հենց սկզբից, այստեղ երկրորդ հարկում սկսում է գործել Երևանի բարեգործական ընկերության կողմից հիմնված «Հայկական հիվանդանոցը»
    1914 թվականից, 1-ին համաշխարհային պատերազմի հենց սկզբից, այստեղ երկրորդ հարկում սկսում է գործել Երևանի բարեգործական ընկերության կողմից հիմնված «Հայկական հիվանդանոցը»
    © Sputnik / Asatur Yesayants
  • Ուշագրավ փաստ է նաև, որ այս շենքի պատերի մոտ են անցել 1919 և 1920 թվականների մայիսի 28-ին Առաջին հանրապետության անկախության տոնի առթիվ կազմակերպված համահայաստանյան պաշտոնական շքերթներն ու զորահանդեսները
    Ուշագրավ փաստ է նաև, որ այս շենքի պատերի մոտ են անցել 1919 և 1920 թվականների մայիսի 28-ին Առաջին հանրապետության անկախության տոնի առթիվ կազմակերպված համահայաստանյան պաշտոնական շքերթներն ու զորահանդեսները
    © Sputnik / Asatur Yesayants
  • Շենքի պատշգամբը
    Շենքի պատշգամբը
    © Sputnik / Asatur Yesayants
  • Շենքի կամարներն ու զարդաքանդակները
    Շենքի կամարներն ու զարդաքանդակները
    © Sputnik / Asatur Yesayants
1 / 10
© Sputnik / Asatur Yesayants
Աբովյան 8 հասցեում գտնվող շենքը

Ուշագրավ փաստ է նաև, որ այս շենքի պատերի մոտ են անցել 1919 և 1920 թվականների մայիսի 28-ին Առաջին հանրապետության անկախության տոնի առթիվ կազմակերպված համահայաստանյան պաշտոնական շքերթներն ու զորահանդեսները: Շենքի պատշգամբից և պատուհաններից այդ տոնախմբություններն են դիտել և ծափահարել Հայաստանում հավատարմագրված դիվանագետներն ու հյուրերը: Ճակատագրի բերումով, հենց այս շենքի նույն պատշգամբից է 1920 թվականի դեկտեմբերի 2-ին Հայաստանում հռչակվել խորհրդային կարգերի հաստատումը:

1920-1937 թվականներին շենքում գործել է Խորհրդային Հայաստանի կոմկուսի Կենտրոնական կոմիտեն և այստեղ են աշխատել Հայաստանի կոմկուսի առաջին քարտուղարները, այդ թվում՝ Աղասի Խանջյանը (1930-1936), որի վերաբերյալ շենքի պատին կա համապատասխան հուշատախտակ: Հետագայում այստեղ երկար տարիներ տեղակայված է եղել Ստեփան Շահումյանի անվան պրոպագանդայի և քաղաքական լուսավորության տունը, իսկ 1981 թվականից՝ «Գիտելիք» ընկերության վարչությունը:

թեմա:
«Հին Երևանի կանգուն վկաները» (12)

Ըստ թեմայի

«Հին Երևանի կանգուն վկաները». Աբովյան 58
«Հին Երևանի կանգուն վկաները». Ամիրյան 28/6
«Հին Երևանի կանգուն վկաները». Պուշկինի 56
«Հին Երևանի կանգուն վկաները». Արամի 9
«Հին Երևանի կանգուն վկաները». Աբովյան 3
«Հին Երևանի կանգուն վկաները». Արամի 54
Հին Երևանի մարող գույները. «Գումի» շուկա

Գլխավոր թեմաներ