10:41 21 օգոստոսի 2017
Ուղիղ եթեր
Ռուբեն Վարդանյան

Վարդանյան. «Մեր հաջողությամբ պետք է ցույց տանք, որ իրենց ուզածը չի ստացվում»

© Sputnik/
Հայաստան
Ստանալ կարճ հղումը
Ապրիլի 24. Հայոց ցեղասպանության չմոռացվող էջը (21)
1510

Գործարար և բարերար Ռուբեն Վարդանյանն այցելեց Ծիծեռնակաբերդ, հարգանքի տուրք մատուցեց Հայոց ցեղասպանության զոհերի հիշատակին, այնուհետև պատասխանեց լրագրողների հարցերին։

ԵՐԵՎԱՆ, 24 ապրիլի — Sputnik. Պետք է գործ անել, որ Հայաստանը դառնա չքնաղ երկիր, պետք է հաջողության հասնել և դրանով ցույց տալ Հայաստանի հարևան երկրներին, որ իրենց ուզածը չի ստացվում: Այս մասին այսօր լրագրողների հետ զրույցում ասաց բարերար Ռուբեն Վարդանյանը:

Նա վստահեցրեց, որ մենք որպես ազգ կարող ենք լինել հաջող և այդ հաջողությամբ կարող ենք հաղթել բոլոր դժվարությունները, իսկ հաջողության հասնելու համար պետք է միանա Սփյուռքն ու հայությունը:

«Այդ հաջողությամբ և զարգացմամբ պետք է ցույց տանք բոլորին, հատկապես մեր հարևաններին, որ իրենց ուզածը չի ստացվում, որ մենք մեր լուման ենք ներդնում աշխարհի զարգացման մեջ, և մենք ամեն ինչ անում ենք, որ աշխարհը, հիշելով, թե ինչ եղել է 102 տարի առաջ, հասկանա` մենք այն ազգն ենք, որ աշխարհին շատ բան է տալիս և տալու ենք, որ 3000 տարվա պատմություն ունենք»,- ասաց Վարդանյանը:

1915 թվականին տեղի ունեցած ոճրագործությունը, որի հետևանքով Օսմանյան կայսրությունում ավելի քան 1.5 մլն հայ է սպանվել, ХХ դարի առաջին ցեղասպանությունն է համարվում։ Թուրքիան ավանդաբար մերժում է ցեղասպանություն իրագործելու մեղադրանքներն ու անչափ ցավագին է ընդունում այդ հարցի վերաբերյալ քննադատությունները։

Հայոց ցեղասպանությունն առաջինը ճանաչել է Ուրուգվայը 1965 թվականին, այնուհետև նրա օրինակին են հետևել Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Բրազիլիան, Չիլին, Վատիկանը, Բոլիվիան, Չեխիան, Ավստրիան, Լյուքսեմբուրգը։ ԱՄՆ 50 նահանգներից 44-ը պաշտոնապես ճանաչել և դատապարտել է Հայոց ցեղասպանությունը, ինչպես նաև ապրիլի 24-ը հայտարարել Հայոց ցեղասպանության զոհերի հիշատակի օր։

 

թեմա:
Ապրիլի 24. Հայոց ցեղասպանության չմոռացվող էջը (21)

Գլխավոր թեմաներ