17:46 23 օգոստոսի 2017
Ուղիղ եթեր
Ռուբեն Վարդանյան

Ռուբեն Վարդանյան. «Մենք պետք է հասկանանք մյուսների ցավը»

© Sputnik/ Asatur Yesayants
Հայաստան
Ստանալ կարճ հղումը
1210

«Ավրորա» մրցանակի հիմնադիրներ Նուբար Աֆեյանն ու Ռուբեն Վարդանյանը հույս են հայտնում, որ մարդասիրական նախաձեռնությունը երկար կյանք է ունենալու։

ԵՐԵՎԱՆ, 24 ապրիլի — Sputnik. Մարդասիրական «Ավրորա» մրցանակի հիմնադիրները որոշել են երկար կյանք ունեցող նախաձեռնություն իրականացնել։ Նախնական նպատակը եղել է աշխարհին պատմել այն մարդկանց մասին, որոնք իրենց կյանքը վտանգելով` փրկում են մյուսներին, ինչպես 100 տարի առաջ անում էին մարդիկ, որոնք փրկում էին հայերին 2015-ի ցեղասպանության ժամանակ, հայտնեց մրցանակի համահիմնադիր Նուբար Աֆեյանը։

«Ժամանակին հայերը հնարավորություն չունեին երախտագիոտություն հայտնելու այդ հերոսներին։ Իսկ այսօր մենք կարող են անել դա, ասել «շնորհակալություն» նրանց, ովքեր օգնում են մյուսներին։ Հուսով ենք և անելու ենք հնարավոր ամեն բան, որպեսզի «Ավրորան» դառնա հայկական գաղափարախոսություն։ Հավանաբար, մյուսներն էլ կկարողանան իրենց փրկողներին շնորհակալություն հայտնել»,- ասաց Աֆեյանը։

Այն հարցին, ինչու են Հայաստանը կոչում ժողովրդավարական երկիր, երբ հանրապետությունում յուրաքանչյուր օր խախտում են մարդու իրավունքները, «Ավրորա» մրցանակի համահիմնադիր Ռուբեն Վարդանյանը փիլիսոփայորեն պատասխանեց։

«Ես ծանր կշիռ ունեմ, սակայն դա չի նշանակում, որ ես իրավունք չունեմ խոսելու սպորտի մասին։ Մենք ապրում ենք այն երազանքով, որ Հայաստանը պետք է դառնա Էլդորադոյի նման մի երկիր… 800 տարի պետություն չենք ունեցել, բայց ուզում ենք, որ մեզ մոտ միանգամից ամեն ինչ կատարյալ լինի»,- ասաց Վարդանյանը։

Նրա խոսքով` չկա որևէ երկիր, որտեղ չոտնահարվեն մարդու իրավունքները։ Վարդանյանը կարծում է, որ մարդիկ չեն գիտակցում, թե ինչ է կատարվում աշխարհում, իսկ մենք` հայերս, կենտրոնացած ենք սեփական դժվարությունների և խնդիրների վրա։

«Պարզ է, որ ցեղասպանությունը մեր ցավն է։ Սակայն մենք` նման ոգբերգություն ապրածներս, պետք է մտածենք նաև այլոց ցավի մասին»,- նշեց Վարդանյանը։

«Ավրորա» մրցանակի այս տարվա հավակնորդների մասին խոսելիս՝ Վարդանյանը հայտնեց, որ նրանց թվում էր նաև Ելիզավետա Գլինկան` հայտնի «բժիշկ Լիզան», որը զոհվեց անցյալ տարվա դեկտեմբերին Սոչիում Տու-154-ի կործանման ժամանակ։

«Մեզ առաջարկեին 255 թեկնածուի անուն, որոնց թվում էր նաև բժիշկ Ելիզավետա Գլինկան։ Մենք ցավում ենք և սգում նրա մահը, սակայն կանոնների համաձայն, մրցանակը հետմահու չի հանձնվում»,- ասաց Վարդանյանը։

Русская версия

Գլխավոր թեմաներ