ԵՐԵՎԱՆ, 25 ապրիլի — Sputnik. Հնդկաստանի փոխնախագահին «Զվարթնոց» օդանավակայանում դիմավորել է Հայաստանի արտաքին գործերի նախարար Էդվարդ Նալբանդյանը։
Այցի շրջանակներում Հնդկաստանի փոխնախագահը հանդիպումներ կունենա Նախագահ Սերժ Սարգսյանի, վարչապետ Կարեն Կարապետյանի և ԱԳ նախարար Էդվարդ Նալբանդյանի հետ: Այդ մասին տեղեկացրին ՀՀ կառավարության տեղեկատվության և հասարակայնության հետ կապերի վարչությունից:
Այսօր Մ. Համիդ Անսարին այցելել Ծիծեռնակաբերդի հուշահամալիր՝ հարգանքի տուրք մատուցելու Հայոց ցեղասպանության զոհերի հիշատակին: Նա այցելել է նաև Ցեղասպանության թանգարան-ինստիտուտ, գրառում կատարել թանգարանի հուշամատյանում՝ նշելով, որ այն, ինչ տեսավ` մշտապես հիշատակում է մարդկային դաժանության մասին։
«Այս նյութերը մռայլ վկաներ են այն սարսափելի բռնության մասին, որին ենթարկվել է հայ ժողովուրդը։ Միայն այնպիսի արժեքների շնորհիվ, ինչպիսին են հանդուրժողականությունն և փոխըմբռնումը, մենք կարող ենք խաղաղ ու ներդաշնակ ապագայի հույս ունենալ»,- գրել է Հնդկաստանի փոխնախագահը։
Նա եղևնի է տնկել Հիշատակի պուրակում։
«Այն ինչ տեսա անհնար է բառերով փոխանցել։ Դա ամենասարսափելին է, ինչ կարող է անել մարդու մարդուն»,- ասաց Ասարին։
Ծիծեռնակաբերդի հուշահամալիր մոտ հանդիպելով մի փոքրիկ տղայի՝ Մոհամմադ Համիդ Անսարին շոյել է նրա գլուխն ու դիմելով Էդվարդ Նալբանդյանին՝ ասել. «Ահա նա՝ կյանքի ոգին»։
Փոխնախագահ Մ. Համիդ Անսարին կհանդիպի նաև ԵՊՀ պրոֆեսորադասախոսական անձնակազմի և ուսանողների հետ, կայցելի նաև Մեսրոպ Մաշտոցի անվան հին ձեռագրերի ինստիտուտ՝ Մատենադարան:
