ԵՐԵՎԱՆ, 27 ապրիլի — Sputnik. Երևանի քաղաքապետարանը հաղորդագրություն է տարածել, ըստ որի` Մյասնիկյան պողոտայից Հերացի փողոց ընկած միակողմանի ճանապարհահատվածն առաջիկա երկու գիշերվա ընթացքում փակ կլինի։
«Ասֆալտապատման աշխատանքներով պայմանավորված` ապրիլի 27-ին ժամը 22-00-ից մինչև ապրիլի 28-ի 07:00-ն, ինչպես նաև ապրիլի 28-ի ժամը 22:00-ից մինչև ապրիլի 29-ի 07:00-ն Մյասնիկյան պողոտայի (Ավան վարչական շրջանի ուղետարից) մինչև Հերացի փողոցն իջնող հատվածում երթևեկը միակողմանի փակ կլինի»,- նշված է հաղորդագրության մեջ:
Որպես այլընտրանք առաջարկվում են Քանաքեռ-Զեյթուն վարչական շրջանի Ռուբինյանց փողոցից դեպի քաղաքի կենտրոն տանող ճանապարհները:
Քաղաքապետարանը պատճառվող ժամանակավոր անհարմարությունների համար հայցում է համաքաղաքացիների ներողամտությունը:
