05:07 27 փետրվարի 2021
Ուղիղ եթեր
  • USD527.96
  • GBP736.03
  • EUR640.20
  • RUB7.08
Հայաստան
Ստանալ կարճ հղումը
84 0 0

Ցուրտ ձմեռն ու ուշացած գարունը այս տարվա բերքի վրա չեն ազդի: Գյուղատնտեսության նախարարությունը բարձր բերք է ակնկալում:

ԵՐԵՎԱՆ, 28 ապրիլի — Sputnik. Գարունն ուշացումով, բայց, ի վերջո, եկավ: Այսօր Sputnik Արմենիա մամուլի կենտրոնում լրագրողների հետ հանդիպմանն ասաց ՀՀ գյուղատնտեսության փոխնախարար Աշոտ Հարությունյանը՝ հայտնելով, որ գյուղատնտեսական աշխատանքները հայաստանյան գյուղերում արդեն եռում են, շուրջ 50 000 հա տարածության վրա արդեն ցանքս է կատարված: Իսկ ովքեր դեռ չեն հասցրել ցանել, շտապելու կարիք չունեն։ Փոխնախարարը հիշեցրեց, որ մինչև հուլիսի 22-ը դեռ կարելի է ցանքս կատարել:

Ինչ վերաբերում է բերքին, ապա փոխնախարարի համոզմամբ` ցուրտ ձմեռն ու ուշացած գարունն այս տարվա բերքի վրա չեն ազդի: Գյուղատնտեսության նախարարությունը բարձր բերք է ակնկալում:

«Այս պահին ցրտահարության խնդիր չունենք, եթե կա, շատ չնչին է: Հուսանք` տարին կլինի բարենպաստ, և խնձորն ու տանձը շատ կլինեն: Իսկ ծիրանն, ասեմ, որ ուտելու ենք, շատ ենք ուտելու և նաև արտահանելու ենք»,- ասաց Աշոտ Հարությունյանը:

Միակ բուսատեսակը, որին վնասել է անցած ցրտաշունչ ձմեռը, աշնանային ցորենն է: Հանրապետության որոշ վայրերում ցորենի ցանքատարածությունները վնասվել են ցածր ջերմաստիճանի և ձյան բարակ ծածկույթի պատճառով:

Ашот Арутюнян
© Sputnik / Asatur Yesayants
Աշոտ Հարությունյան

Անդրադառնալով կարտոֆիլի սերմացուի ցրտահարության մասին լուրերին` փոխնախարարը վստահեցրեց, որ դրանք իրականությանը չեն համապատասխանում։

«Գյուղացին ինքը կմրսի, բայց թույլ չի տա, որ տնկանյութը մրսի»,- ասաց նա:

Հարությունյանի խոսքով` Հայաստանում այս պահին անհրաժեշտ քանակի կարտոֆիլի տնկանյութ կա:

Գլխավոր թեմաներ