ԵՐԵՎԱՆ, 9 մայիսի — Sputnik. ՀՀ ոստիկանապետ Վլադիմիր Գասպարյանը կլինի կառավարության նոր կազմում։ Այս մասին նա հայտարարեց լրագրողների հետ հարցուպատասխանի ժամանակ։
«Ես 60 տարով եմ եկել, հաշտվեք այդ մտքի հետ»,- ասաց Վլադիմիր Գասպարյանը։
Sputnik Արմենիայի հետ զրույցում էլ նախարարն անդրադարձավ օրվա թեմային` նշելով, որ պատմությունը ցույց է տվել` մենք պետք է լինենք միասնական։
«Հակառակ դեպքում մենք միշտ «կնշենք» Եղեռնը»,- ասաց Գասպարյանը։
Տեղեկացնենք, որ Հայրենական մեծ պատերազմում տարած հաղթանակի օրվա առթիվ վետերանները, զինվորականները, պաշտոնյաներն ու հասարակ քաղաքացիներն այցելում են Հաղթանակի զբոսայգի և ծաղիկներ խոնարհում անմար կրակի մոտ։
