ԵՐԵՎԱՆ, 12 մայիսի — Sputnik. ՀՀ վարչապետ Կարեն Կարապետյանը վստահ է` ապօրինի ծառահատումների հարցում պետք է առավելագույնն անհանդուրժողական լինել։ Այս մասին նա գրել է ֆեյսբուքյան իր էջում:
«Ապօրինի ծառահատումների հարցում իմ կոշտ դիրքորոշումն է՝ առավելագույնս անհանդուրժողական լինել, խիստ հսկողություն իրականացնել և հետևողական լինել մեղավորներին պատասխանատվության ենթարկելու հարցում»,- գրել է վարչապետը:
Կարեն Կարապետյանի գրառմանը կից նաև տեսանյութ է հրապարակվել։
«Անտառի հերը անիծում եք, մի դեպք չեմ լսել, որ դուք մեկի պոչը բռնեք, տրորեք։ Բա մի անգամ եղե՞լ է, որ գաք, ասեք` այ սրան պետք է բռնեք»,- բնապահպանության աշխատակիցների հետ հանդիպման ժամանակ ասել է վարչապետը։
