ԵՐԵՎԱՆ, 17 մայիսի — Sputnik. Ազգային ժողովի նախագահը հավանաբար կլինի փորձառու, շատ հարգարժան մեր ընկերը: Այս մասին այսօր ՀՀԿ գերագույն մարմնի նիստից առաջ լրագրողներին ասաց ՀՀԿ խոսնակ Էդուարդ Շարմազանովը:
Հարցին, թե հնարավո՞ր է, որ Հայաստանի Հանրապետական կուսակցությունից ԱԺ նորընտիր պատգամավոր Արա Բաբլոյանը լինի ԱԺ նախագահ, Շարմազանովը պատասխանեց` նա շատ արժանի թեկնածու է:
ՀՀԿ խոսնակը ԱԺ փոխնախագահի պաշտոնում չբացառեց իր և արդարադատության նախկին նախարար Արփինե Հովհաննիսյանի թեկնածությունները:
Շարմազանովի խոսքով՝ «Հանրապետական» խմբակցության ղեկավարի պաշտոնին, ամենայն հավանականությամբ, կվերանշանակվի Վահրամ Բաղդասարյանը. «Կարծում եմ՝ պարոն Բաղդասարյանը շատ լավ է աշխատել»:
ՀՀԿ փոխնախագահ Արմեն Աշոտյանն էլ, ըստ Շարմազանովի, պատասխանատու պաշտոն կունենա խորհրդարանում։
