04:05 18 հոկտեմբերի 2017
Ուղիղ եթեր
Ֆիլիպ Ջենտին Հայաստանում

Հայտնի պրոֆեսորը Երևանում դասախոսում է պրենատալ ախտորոշման մասին

© Sputnik/ David Galstyan
Հայաստան
Ստանալ կարճ հղումը
2932

Պտղի մոտ սրտի հիվանդությունն ախտորոշելը թույլ է տալիս կանխել ծննդաբերությունից հետո առաջացած խնդիրները, պնդում է Ֆիլիպ Ջենտին:

ԵՐԵՎԱՆ, 20 մայիսի — Sputnik. Համաշխարհային ճանաչում ունեցող պրոֆեսոր Ֆիլիպ Ջենտին հայ մասնագետների համար դասընթացներ է անցկացնում պրենատալ ախտորոշման թեմայով:

Պրոֆեսորը Հայաստան է ժամանել ՀՀ առաջին տիկի Ռիտա Սարգսյանի հրավերով և զբաղվելու է հայ բժիշկների մասնագիտական հմտությունները զարգացնելու գործով:

«Ես եկել եմ դասախոսություն կարդալու համար, ընթացքում կփորձենք հասկանալ, թե պտղի մոտ ինչպես բացահայտել սրտի հետ կապված խնդիրները ուլտրաձայնային ախտորոշման օգնությամբ»,- ասաց Ջենտին:

Նրա խոսքով` մինչև երեխայի լույս աշխարհ գալը ախտորոշում կատարելը կարևոր է, քանի որ ծննդաբերությունից հետո երեխային տեղաշարժելու հետ կապված խնդիրներ են առաջանում: Հիվանդության ախտանիշները հաճախ ակնհայտ չեն լինում ծնվելուց անմիջապես հետո, և խնդիրներն առաջանում են երեխային տուն տանելուց հետո:

«Նախապես պտղի խնդիրների մասին տեղեկանալու պարագայում ծննդկանին երեխայի հետ կարելի է համապատասխան կենտրոն տեղափոխել: Շատ ավելի հեշտ է երեխային մոր արգանդում տեղափոխել, քան ծնվելուց հետո, քանի որ լուրջ խնդիրներ կարող են առաջանալ»,- ասաց Ջենտին:

Պրոֆեսորը խոշոր կրթական կայք է հիմնել, որն անվճար տեղեկություն է տրամադրում ամբողջ աշխարհի մասնագետներին: Երևանում Ջենտին երկօրյա դասախոսություն կանցկացնի հայ մասնագետների համար:

Մանկաբարձությունում և գինեկոլոգիայում ուլտրաձայնային ախտորոշման հայկական ասոցիացիայի ղեկավար Կարինե Թոխունցն, իր հերթին, նշեց, որ պրոֆեսորն այս բնագավառի հայտնի մասնագետներից մեկն է:

  • Համաշխարհային ճանաչում ունեցող պրոֆեսոր Ֆիլիպ Ջենտին հայ մասնագետների  համար դասընթացներ է անցկացնում։
    Համաշխարհային ճանաչում ունեցող պրոֆեսոր Ֆիլիպ Ջենտին հայ մասնագետների համար դասընթացներ է անցկացնում։ водит для армянских специалистов курс по пренатальной диагностике
    © Sputnik/ David Galstyan
  • Համաշխարհային ճանաչում ունեցող պրոֆեսոր Ֆիլիպ Ջենտին հայ մասնագետների  համար դասընթացներ է անցկացնում։
    Համաշխարհային ճանաչում ունեցող պրոֆեսոր Ֆիլիպ Ջենտին հայ մասնագետների համար դասընթացներ է անցկացնում։
    © Sputnik/ David Galstyan
  • Համաշխարհային ճանաչում ունեցող պրոֆեսոր Ֆիլիպ Ջենտին հայ մասնագետների  համար դասընթացներ է անցկացնում։
    Համաշխարհային ճանաչում ունեցող պրոֆեսոր Ֆիլիպ Ջենտին հայ մասնագետների համար դասընթացներ է անցկացնում։
    © Sputnik/ David Galstyan
1 / 3
© Sputnik/ David Galstyan
Համաշխարհային ճանաչում ունեցող պրոֆեսոր Ֆիլիպ Ջենտին հայ մասնագետների համար դասընթացներ է անցկացնում։ водит для армянских специалистов курс по пренатальной диагностике

«Նա պտղի էխոկարդիոգրաֆիայի, ինչպես նաև աշխարհի ամենախոշոր կրթական կայքի հիմնադիրն է: Երկու օրվա ընթացքում պրակտիկ դասեր կանցկացնի պտղի մոտ սրտի արատի օպերատիվ հայտնաբերման վերաբերյալ»,- ասաց Թոխունցը:

Նրա խոսքով՝ Հայաստանում հիմնական խնդիրը անհրաժեշտ սարքավորումների բացակայությունն է, հատկապես շրջաններում:

Ջենտին Հայաստանում է գտնվում մոտ մեկ շաբաթ: Վերջին օրերին բժիշկը հասցրել է ճանապարհորդել երկրով իր տիկնոջ հետ և խոստովանում է, որ հիացած է Հայաստանով:

Русская версия

Գլխավոր թեմաներ