ԵՐԵՎԱՆ, 24 մայիսի — Sputnik. Մայիսի 24-ին Հայաստանի բոլոր մարզերում սպասվում է անձրև և ամպրոպ, առանձին հատվածներում չի բացառվում նաև կարկուտը ։
Մայիսի 25-ին ցիկլոնային դաշտը դուրս կգա Հայաստանի տարածքից: Այս մասին հայտնում է «Հիդրոմետ» ծառայության Օդերևութաբանության կենտրոնի պետ Գագիկ Սուրենյանը։
«Մայիսի 24-ին Հայաստանում հյուսիս-արևմուտքից ներթափանցած արկտիկական ցուրտ օդային հոսանքների ազդեցությունը կպահպանվի, ինչը նշանակում է, որ կպահպանվի նաև առկա սառը եղանակը, իսկ արդեն մայիսի 25-27-ին մեր երկիր կներթափանցեն տաք օդային հոսանքներ»,- նշում է նա:
«Հիդրոմետ» ծառայության տվյալով` մայիսի 26-ին սպասվում է առանց տեղումների եղանակ։
Օդի ջերմաստիճանը մայիսի 25-27-ն աստիճանաբար կբարձրանա 3-4 աստիճանով:
