06:59 29 սեպտեմբերի 2020
Ուղիղ եթեր
  • USD485.66
  • GBP624.12
  • EUR565.55
  • RUB6.16
Հայաստան
Ստանալ կարճ հղումը
95 0 0

Մոսկվայի խանութներում հայկական եռագույնով շապիկներ են վաճառվում, որոնք արտադրում է իսպանական հայտնի ապրանքանիշներից մեկը:

Վիկտորյա Պիսարենկո, Sputnik Արմենիայի համար

Բոլորին հայտնի Masssimo Dutti, Zara, Stardivarius, Bershka, Pull&Bear ապրանքանիշների արմատները հասնում են Իսպանիա: Այս խանութներում կարելի է high-street fashion դասի ապրանքներ գտնել: Սակայն այս ապրանքանիշները ոչ միայն բարձրակարգ ձևով պատճենում են նորաձևության համաշխարհային առաջնորդների մշակումները, այլև ժամանակ առ ժամանակ ներգրավում են ամբողջ աշխարհի դիզայներներին` իրենց արտադրանքի վրա բացառիկ պատկերներ ստեղծելու համար:

Եվ այսպես, վերջին նորույթը, որը հայտնվել է Pull&Bear խանութում, հայկական եռագույնով շապիկն է: Դատելով արտադրանքի վրա արված հեղինակային ստորագրությունից, գաղափարի հեղինակը «pacificgroupe» նկարիչ-դիզայներների ստեղծագործական միությունն է:

Սակայն նման արտասովոր գտածոյից ծնված ուրախությունը փոխվում է զարմանքի: Ուզում ես հասկանալ, թե ինչ է սա. պատահական ընտրված գույների հետաքրքիր համադրությո՞ւն, թե՞ նռան ու ծիրանի երկրի նկատմամբ ունեցած անսահման սիրո արտահայտում: Պատասխանելը դժվար է, սակայն Մոսկվայի խանութներում նման նորամուծության առկայության համար ուրախանալ կարելի է և պետք է:

Շապիկի այս մոդելն արդեն մեծ պահանջարկ ունի Մոսկվայում ապրող մեր հայրենակիցների շրջանում:

Հայկական արտաքինով երջանիկ գնորդներ Աիդան և Նունեն Sputnik Արմենիային ներկայացրին իրենց տպավորությունները. «Կարծում եմ, որ այս «թյուրիմացությունը» աշխարհի շատ հայերի է ուրախացրել: Օրինակ՝ ընկերուհիներս, որոնք ապրում են ԱՊՀ և ԵՄ երկրներում, անչափ ուրախացել են, երբ այս շապիկները տեսել են այդքան հայտնի բրենդային խանութում»:

Նունեն ավելացրեց. «Այսօր Մոսկվայում կարելի է մի շարք զբոսաշրջիկների տեսնել այս շապիկներով… Ինչևէ, նման անակնկալը ուրախացրեց մեր հայ ժողովրդին»:

Շապիկին պատկերված գույների տակ թաքնված գաղտնագիրը մենք հավանաբար չենք գտնի, բայց մոտակայքում գտնվող առևտրի կենտրոն գնալ և շապիկ գնել արժե: Օրինակ՝  հայրս չկարողացավ անտարբեր մնալ այս հարցում. նա մի քանի օրով Մոսկվա էր ժամանել ու Հայաստան վերադառնալիս հետը տարավ եռագույնով մի շապիկ ու հիմա սիրով հագնում է Երևանում:

Русская версия

Գլխավոր թեմաներ