03:07 21 օգոստոսի 2017
Ուղիղ եթեր
Իվան Վոլինկին

Ռուս դեսպանը հայերեն է շնորհավորել հայրենակիցներին Ռուսաստանի օրվա առթիվ

© Sputnik/ Асатур Есаянц
Հայաստան
Ստանալ կարճ հղումը
4041

Ռուսաստանի օրվա առթիվ կազմակերպած ընդունելությունն անցկացվեց Երևանի օպերայի և բալետի ազգային ակադեմիական թատրոնում:

ԵՐԵՎԱՆ, 12 հունիսի — Sputnik. Հայաստանում Ռուսաստանի արտակարգ և լիազոր դեսպան Իվան Վոլինկինը Ռուսաստանի օրվան նվիրված ընդունելության ժամանակ հայրենակիցներին շնորհավորել է հայերենով:

Դեսպանն ընդգծել է Հայաստանի և Ռուսաստանի միջև առկա հարաբերությունների բարձր մակարդակը:

«Այսօր հայ-ռուսական հարաբերությունները նոր մակարդակի վրա են, շարունակում են ընդլայնվել և խորանալ»,- ասել է դեսպանը:

Վոլինկինը նշել է, որ այս տարի լրանում է երկու երկրների միջև դիվանագիտական հարաբերությունների հաստատման 25 տարին:

«Բարեկամության բազմադարյա պատմությունն ու մեր ժողովուրդների հոգևոր մտերմությունը փոխգործակցության ամուր հիմնաքար է, գործակցության բոլոր ուղղություններում նոր ձեռքբերումների գրավական»,- ասել է նա:

Դիվանագետը նշել է, որ Ռուսաստանը Հայաստանի գլխավոր առևտրա-տնտեսական գործընկերն է և հիմնական ներդրողը: Մասնավորապես, համագործակցություն է տարվում էներգետիկայի, արդյունաբերության, գյուղատնտեսության, տիեզերական ուսումնասիրությունների, ՏՏ և զբոսաշրջային ոլորտներում:

«Ռուսաստանն ու Ռուսաստանի քաղաքացիները բարձր են գնահատում Հայաստանի հետ դաշնակցային հարաբերությունները: Ռուսաստանի և Հայաստանի միջև ռազմավարական հարաբերությունները ոչ միայն սերտ քաղաքական երկխոսություն են ենթադրում, այլև լայնածավալ ռազմական և սահմանապահ գործակցություն: Սա առանցքային նշանակություն ունի Հարավային Կովկասում խաղաղության և կայունության ապահովման համար»,- ասել է Վոլինկինը:

Ռուսաստանի օրվա առթիվ կազմակերպած ընդունելությունն անցկացվեց Երևանի օպերայի և բալետի ազգային ակադեմիական թատրոնում: Կազմակերպվել էր համերգ, որի ընթացքում ելույթ ունեցան դեսպանատան երգչախումբն ու Ալեքսանդրովի անվան ռուսական բանակի երգի ու պարի համույթը: Համերգի ժամանակ հնչեցին հայերեն կատարումներ: Ընդունելությանը ներկա էին նաև ՀՀ առաջին տիկին Ռիտա Սարգսյանը, Հայաստանում հավատարմագրված պետությունների դեսպաններ, քաղաքական և հասարակական գործիչներ, Հայրենական մեծ պատերազմի վետերաններ:

Русская версия

Գլխավոր թեմաներ