06:44 21 օգոստոսի 2017
Ուղիղ եթեր
Հայաստանի և Ռուսաստանի դրոշները

Հազարավոր ռուսներ Ռուսաստանի օրը նշել են Հայաստանում

© Sputnik/ Karen Yepremyan
Հայաստան
Ստանալ կարճ հղումը
1513

Ռուս ժողովրդին շնորհավորական ուղերձ են հղել նաև ՀՀ նախագահն ու արտգործնախարարը։

ԵՐԵՎԱՆ, 12 հունիսի — Sputnik. Հայաստանում ռուսական համայնքի հազարավոր ներկայացուցիչներ, դիվանագետներ, զբոսաշրջիկներ ու ՌԴ քաղաքացիներ նշել են Ռուսաստանի օրը։

Հունիսի 12-ը Ռուսաստանի Դաշնության օրացույցում պետական տոն է։ Սկզբնապես այն անվանում էին Ռուսաստանի պետական ինքնիշխանության հռչակագրի ընդունման օր: Իսկ 2002 թվականին ստացավ պաշտոնական նոր անվանում՝ Ռուսաստանի օր:

ՀՀ նախագահ Սերժ Սարգսյանն այսօր Ռուսաստանի Դաշնության պետական տոնի՝ Ռուսաստանի օրվա առթիվ այցելել է Հայաստանում ՌԴ դեսպանատուն և շնորհավորել դեսպան Իվան Վոլինկինին, դեսպանատան աշխատակիցներին և ի դեմս նրանց՝ Ռուսաստանի եղբայրական ժողովրդին, մաղթել խաղաղություն և բարօրություն: Հանրապետության նախագահը տոնի առթիվ նաև շնորհավորական ուղերձներ է հղել ՌԴ նախագահ Վլադիմիր Պուտինին և ՌԴ կառավարության նախագահ Դմիտրի Մեդվեդևին:

ՀՀ արտգործնախարարությունը նույնպես շնորհավորական ուղերձ է հղել ռուսներին։

«Շնորհավորելով Ռուսաստանի օրվա կապակցությամբ՝ բոլոր ռուսաստանցիներին մաղթում եմ խաղաղություն, բարեկեցություն և բարգավաճում»,- նշված է ուղերձում։

Տոնի նախաշեմին «Էրեբունի» ավիակայանում բաց դռների օր անցկացվեց։ Չնայած շոգին` հարյուրավոր մարդիկ եկել էին ավիակայան ռազմական տեխնիկան սեփական աչքերով տեսնելու։

Տոնի շրջանակում հանդիսատեսին ներկայացվեց վառ ավիաշոու` Մի-8 և Մի-24 ուղղաթիռներով և ՄԻԳ-29 պիլոտաժներով։

Ռուսաստանի օրվա առթիվ կազմակերպած ընդունելություն է անցկացվել նաև Երևանի օպերայի և բալետի ազգային ակադեմիական թատրոնում: Միջոցառման շրջանակում կազմակերպվել էր համերգ, որի ընթացքում ելույթ ունեցան դեսպանատան երգչախումբն ու Ալեքսանդրովի անվան ռուսական բանակի երգի ու պարի համույթը: Համերգի ժամանակ հնչեցին հայերեն կատարումներ: Ընդունելությանը ներկա էին նաև ՀՀ առաջին տիկին Ռիտա Սարգսյանը, Հայաստանում հավատարմագրված պետությունների դեսպաններ, քաղաքական և հասարակական գործիչներ, Հայրենական մեծ պատերազմի վետերաններ:

Ռուսաստանի օրը նշվում է 1990 թվականից, երբ ՌԽՖՍՀ-ի ժողովրդական պատգամավորների առաջին համագումարն ընդունեց փաստաթուղթ ինքնիշխանության մասին: Իսկ մեկ տարի անց՝ նույնպես հունիսի 12-ին, տեղի ունեցան երկրի նախագահի առաջին համաժողովրդական ընտրությունները, որտեղ հաղթեց Բորիս Ելցինը: Հենց նա էլ երեք տարի անց նոր պետական տոնի մասին հրամանագիր ստորագրեց:

Русская версия

Գլխավոր թեմաներ