17:58 23 օգոստոսի 2017
Ուղիղ եթեր
Մարկ Գրիգորյան

Մարկ Գրիգորյանը Հանրային ռադիոյի նոր տնօրենն է

© Sputnik/ Асатур Есаянц
Հայաստան
Ստանալ կարճ հղումը
2341

Հանրային հեռուստառադիոընկերության խորհրդի այսօրվա որոշմամբ՝ Հանրային ռադիոյի գործադիր տնօրեն է նշանակվել Մարկ Գրիգորյանը։

ԵՐԵՎԱՆ, 12 հունիսի — Sputnik. Հանրային ռադիոյի գործադիր տնօրեն է նշանակվել Մարկ Գրիգորյանը։ Որոշումն այսօր կայացրել է Հանրային հեռուստառադիոընկերության խորհրդը։ Այս մասին տեղեկացնում ենք Հանրային ռադիոյի կայք էջից։

Մարկ Գրիգորյանը բանասիրական գիտությունների թեկնածու է, մինչեւ լրագրողական աշխատանքի անցնելը դասավանդել է Պուշկինի անվան միջնակարգ դպրոցում, Երևանի պետական համալսարանում, «Անանիա Շիրակացի» համալսարանում։

Լրագրողական գործունեությունը սկսել է 1993 թվականին ԱԻՄ կուսակցության ռուսալեզու «Свобода» թերթում նախ որպես փոխխմբագիր, ապա գլխավոր խմբագիր։ 1995 թվականի ապրիլից աշխատանքի է անցել ամերիկյան AIM- Armenian International Magazine ամսագրում որպես երևանյան թղթակից:

Ավելի ուշ ղեկավարել է Հայաստանի մամուլի ուսումնասիրության խնդիրներով զբաղվող «Թիմ» հասարակական կազմակերպությունը։ 1998 թվականից գլխավորել է «Համագործակցություն և ժողովրդավարություն» հասարակական կազմակերպությունը։

Մարկ Գրիգոորյանը նաև Լրատվամիջոցների կովկասյան ինստիտուտի ներկայիս «Կովկաս» ինստիտուտի համահիմնադիրներից է, 2001- ին եղել է ինստիտուտի փոխտնօրենը։

2002 թվականի հոկտեմբերի 22-ին Երևանում նրա դեմ կազմակերպված մահափորձից և դրան հետեւած իրադարձություններից հետո բնակություն է հաստատել Լոնդոնում։ Միացյալ Թագավորությունում աշխատել է նախ Պատերազմի և խաղաղության լուսաբանման ինստիտուտում (IWPR), իսկ 2003- ի սեպտեմբերից BBC հեռուստառադիոկորպորացիայում։

2014- ին վերադարձել է Հայաստան, աշխատել PanArmenian Media Group-ում, «Արմենիա» հեռուստաալիքում վարել «Հատման կետ» ծրագիրը, ATV-ում հեղինակել, վարել և հեռարձակել է «Անծանոթ Երևան» հաղորդաշարը, ինչպես նաև «Տետատետ» ծրագիրը:

2016 թվականից Հայաստանի հանրային ռադիոյի գործադիր տնօրենի խորհրդականն էր:

Ի դեպ՝ Հանրային ռադիոյի նորանշանակ գործադիր տնօրենը անվանի ճարտարապետ Մարկ Գրիգորյանի թոռն է, Հայաստանում կիրառական և մաթեմատիկական լեզվաբանության հիմնադիրներից բանասիրական գիտությունների դոկտոր Վլադիմիր Գրիգորյանի որդին։

Գլխավոր թեմաներ