12:38 18 օգոստոսի 2017
Ուղիղ եթեր
Առաջին ավտոբուսը Երևանից մեկնեց «Զվարթնոց» օդանավակայան

Առաջին ավտոբուսը Երևանից մեկնեց «Զվարթնոց» օդանավակայան

© Sputnik/ Karen Yepremyan
Հայաստան
Ստանալ կարճ հղումը
13751

Հանրապետության հրապարակից «Զվարթնոց» օդանավակայան մեկնեց առաջին երթուղային ավտոբուսը:

ԵՐԵՎԱՆ, 14 հունիսի — Sputnik. Այսօր առավոտյան ժամը 10:00-ից սկսեց գործել Երևան — «Զվարթնոց» օդանավակայան և հակառակ ուղղությամբ փորձնական երթուղին: Այս մասին տեղեկացնում են ՀՀ  տրանսպորտի, կապի և տեղեկատվական տեխնոլոգիաների նախարարության մամուլի ծառայությունից։

Այն կաշխատի շուրջօրյա՝ 24 ժամ, յուրաքանչյուր ժամը մեկ։

Երթուղային ավտոբուսով «Զվարթնոց» օդանավակայան մեկնող առաջին ուղևորները լրագրողներն ու ՀՀ տրանսպորտի, կապի և տեղեկատվական տեխնոլոգիաների նախարարության ներկայացուցիչներն էին:

ՀՀ վարչապետի հանձնարարականի համաձայն՝ Երևան — «Զվարթնոց» օդանավակայան և հակառակ ուղղությամբ փորձնական երթուղին կազմակերպել է ՀՀ տրանսպորտի, կապի և տեղեկատվական տեխնոլոգիաների նախարարությունը:

Ուղևորափոխադրումները կիրականացվեն Հանրապետության հրապարակի շատրվաններին հարակից` գծանշումներով առանձնացված տարածքից, ավտոբուսներով և միկրոավտոբուսներով, որոնք կահավորված են օդորակիչներով և օդափոխիչներով։

Փոխադրավարձը մեկ ուղևորի համար 300 դրամ է։

© Sputnik. Կարեն Եփրեմյան
Հանրապետության հրապարակից «Զվարթնոց» օդանավակայան մեկնեց առաջին երթուղային ավտոբուսը

Գլխավոր թեմաներ