12:50 18 օգոստոսի 2017
Ուղիղ եթեր
Հայաստան

Հայ լեռնագնաց. ամերիկացի զբոսաշրջիկներն ավելի շատ են գումար ծախսում, քան եվրոպացիները

© Sputnik/ Nelli Danielyan
Հայաստան
Ստանալ կարճ հղումը
3710

«Հայ լեռնագնացների միություն – Հայաստան» կազմակերպությունը գրեթե լիովին իրականացրել է իր առջև դրված խնդիրը և զբոսաշրջային սեզոնի բացումից առաջ ավարտել է Հայաստանի և Արցախի զբոսաշրջային երթուղիների գծանշումը։

ԵՐԵՎԱՆ, 14 հունիսի — Sputnik. Հայաստանում և Արցախում երթուղիների գծանշումը կօգնի զարգացնել էկո և արկածային զբոսաշրջությունը Հայաստանում, Sputnik Արմենիա մուլտիմեդիոն մամուլի կենտրոնում ասաց «Հայ լեռնագնացների միություն — Հայաստան» հասարակական կազմակերպության նախագահ Գևորգ Գասպարյանը։

Նրա խոսքով` այս պահին ավարտվել է 30 արահետի գծանշումը, 10-ն ընթացքի մեջ են։

«Մենք երկար տարիներ ի վեր աշխատում ենք արկածային զբոսաշրջության ոլորտում, լավ գիտենք ոլորտի խնդիրները, թեև Լեռնագնացների միությունը Լոս Անջելեսում բացվել է 2016 թվականին։ Մեր առջև խնդիր կար գծանշել ավելի քան 40 հայտնի արահետ Հայաստանում։ Այդ գծանշումները համապատասխանում են միջազգային նորմերին։ Դրանք տեղադրվում են այնտեղ, որտեղ զբոսաշրջիկը կարող է հեշտությամբ մոլորվել», — պարզաբանեց Գասպարյանը։

Նրա խոսքով` գծանշման համար մասնագետներն ընտրել են 40 ամենահայտնի երթուղիները։ Գծանշումներ կան ամենուր, բացի Շիրակի և Գեղարքունիքի մարզերից, քանի որ առաջարկներ դեռ չեն եղել։

Պատասխանելով հարցին, թե արդյո՞ք նրանք համագործակցում ենք Ալպինիզմի և լեռնային տուրիզմի հայկական ֆեդերացիայի հետ` Գասպարյանը նշեց, որ համագործակցություն կա, սակայն իրենց համար առաջնահերթ է ոչ թե լեռնագնացության, այլ արկածային զբոսաշրջության զարգացումը, մասնավորապես` Հայաստանի մարզերում։

Վազորդ և արշավորդ Թելմա Ալթուն Ղազարյանն իր հերթին կոչ արեց հատուկ ուշադրություն դարձնել արշավային արահետների վիճակին, քանի որ դրանից է կախված էկոզբոսաշրջության և համապատասխանաբար տնտեսության զարգացումը։

«Երբ ես բարեգործական մարաթոն էի իրականացնում (հունիսի 9-ից 10-ը` 283 կիլոմետր) և Վարդենիսից վազելով հասա Հադրութ, փորձում էի ցույց տալ աշխարհին` ինչքան գեղեցիկ են մեր բնությունն ու սարերը», — ասաց նա։

«Հայ ժայռամագլցողների միություն-Լոս Անջելես»-ի գլխամասի համահիմնադիր Ռոբերտ Ասսարյանը հայտնեց, որ Հայաստանում և Արցախում էկոզբոսաշրջության զարգացումը կազմակերպության կարևորագույն խնդիրներից է։ Այդ նպատակի իրականացման համար նրանք համագործակցում են «Հայ լեռնագնացների միություն — Հայաստանի» հետ։

«Մեր միությունը բաց ու հասանելի է բոլոր ցանկացողների համար։ Միակ պայմանը հայկական մշակույթի և ժողովրդի հանդեպ սերն է։ Մեր միությանը կարող են անդամագրվել տարբեր ազգերի ներկայացուցիչները», — ասաց Ասսարյանը։

Նա հայտնեց, որ օրեր առաջ Ամերիկայից 56 լեռնագնացի է Հայաստան բերել, որոնք մեկ շաբաթվա ընթացքում Հայաստանի տարբեր գյուղեր են այցելել։ Նրա խոսքով` ամերիկացի զբոսաշրջիկները նախընտրում են լեռնային զբոսաշրջությունը, այդ պատճառով Հայաստանը շատ հետաքրքրիր երկիր է նրանց համար։

  • Թելմա Ալթունի
    Թելմա Ալթունի
    © Sputnik/ Asatur Yesayants
  • Ռոբերտ Ասսարյան
    Ռոբերտ Ասսարյան
    © Sputnik/ Asatur Yesayants
  • Գևորգ Գասպարյան
    Գևորգ Գասպարյան
    © Sputnik/ Asatur Yesayants
1 / 3
© Sputnik/ Asatur Yesayants
Թելմա Ալթունի

Լեռնագնացը խորհուրդ է տալիս աշխատել ամերիկացիներին ներգրավելու ուղղությամբ, քանի որ ի տարբերություն եվրոպացիների, նրանք պատրաստ են ավելի շատ գումար ծախսել ճանապարհորդության ընթացքում։

Մասնագետները համոզված են, որ Հայաստանը պետք է ըստ արժանվույն ներկայացնել նաև սոցիալական կայքերում. այդ հանգամանքը շատ կարևոր է երկրի զբոսաշրջությունը զարգացնելու համար։

Русская версия

Գլխավոր թեմաներ