ԵՐԵՎԱՆ, 15 հունիսի — Sputnik. Մտավոր սեփականության համաշխարհային կազմակերպությունը (WIPO) հրապարակել է «Ինովացիաների գլոբալ ինդեքս-2017»-ը, որտեղ Հայաստանը 127 երկրների շարքում զբաղեցրել է 59-րդ հորիզոնականը:
Հայաստանը ցածր և ﬕջին եկամուտ ունեցող երկրների խմբում աﬔնաարդյունավետ 20 երկրներից մեկն է:
Բացի այդ, ﬔր երկիրը Սլովենիայի, Բահրեյնի, Լյուքսեմբուրգի ու Բելգիայի հետ գյուղատնտեսական աշխատանքի արդյունավետության աճ ունեցող լավագույն հինգ երկրներից է:
Հայաստանի հարևան Վրաստանը զբաղեցրել է 68-րդ հորիզոնականը, Իրանը՝ 75-րդ, Ադրբեջանը՝ 82-րդ և Թուրքիան՝ 43-րդ հորիզոնականները:
Ինդեքսը գլխավորում են Շվեյցարիան, Շվեդիան և Նիդեռլանդները: Այս երկրներին հաջորդում են Միացյալ Նահանգները, Միացյալ Թագավորությունը, Դանիան, Սինգապուրը, Ֆինլանդիան, Գերմանիան և Իռլանդիան:
