00:15 14 հուլիսի 2020
Ուղիղ եթեր
  • USD486.54
  • GBP613.24
  • EUR550.71
  • RUB6.86
Հայաստան
Ստանալ կարճ հղումը
4021

Հայաստանի Տավուշի մարզում գտնվող դպրոցներից մեկում վերանորոգվել է ճաշարանը, իսկ Կողբ գյուղի փողոցներում, վերջապես, լապտերներ են հայտնվել։

ԵՐԵՎԱՆ, 16 հունիսի — Sputnik. Տավուշի Ներքին Ծաղկավան գյուղի աշակերտները հնարավորություն կունենան ամեն օր սնվել մաքուր և հարմարավետ ճաշարանում, որը վերանորոգվել է ՄԱԿ-ի զարգացնման ծրագրի «Համալիր աջակցություն գյուղական համայնքների զարգացմանը. համայնքների կայունության բարձրացում» հնգամյա նախագծի շրջանակում և ռուսական կողմի ֆինանսական աջակցությամբ։

Դպրոցի տնօրեն Դավիթ Յոլչյանը լրագրողների հետ զրույցում նշեց, որ դպրոցում 87 հոգի է սովորում, ևս 15-ը նախակրթական ծրագիր են անցնում։

«Անցած ուսումնական տարվա ընթացքում 53 հոգի կարող էր օգտվել ճաշարանից, իսկ սեպտեմբերից` 47։ Վերջին տարիների ընթացքում մենք դպրոցում հսկայական աշխատանք ենք կատարում, ճաշարանը մեր արածի միայն մի մասն է։ Անցած տարվա նոյեմբերին նախակրթարան է բացվել, իսկ 2015 թվականին դպրոցի տարածքն ընդլայնվել է»,- նշեց նա։

Տավուշի մարզպետ Հովիկ Աբովյանն, իր հերթին, նշեց, որ Ռուսաստանի Դաշնության կողմից տրամադրած ֆինանսավորումը ուղղվել է 45 համայնք, որտեղ ծավալուն աշխատանքներ են անցկացվելու։

«Այս նախագիծը շատ կարևոր է սահմանամերձ գյուղերի համար։ Կարևոր ուսումնասիրություններ են անցկացվել տարածաշրջանային մակարդակով, ավելի լավ հասկանալու համար, որ խնդիրներն են ավելի առաջնահերթ։ Անցկացվող աշխատանքները համաձայնեցված են ինչպես կառավարության, այսպես էլ տարածաշրջանում միջազգային կազմակերպությունների ծրագրերի հետ»,

  • ՄԱԿ-ի և ռուսական կողմի ֆինանսական աջակցությամբ ծրագիր Տավուշում
    ՄԱԿ-ի և ռուսական կողմի ֆինանսական աջակցությամբ ծրագիր Տավուշում
    © Sputnik / Asatur Yesayants
  • ՄԱԿ-ի և ռուսական կողմի ֆինանսական աջակցությամբ ծրագիր Տավուշում
    ՄԱԿ-ի և ռուսական կողմի ֆինանսական աջակցությամբ ծրագիր Տավուշում
    © Sputnik / Asatur Yesayants
  • ՄԱԿ-ի և ռուսական կողմի ֆինանսական աջակցությամբ ծրագիր Տավուշում
    ՄԱԿ-ի և ռուսական կողմի ֆինանսական աջակցությամբ ծրագիր Տավուշում
    © Sputnik / Asatur Yesayants
  • ՄԱԿ-ի և ռուսական կողմի ֆինանսական աջակցությամբ ծրագիր Տավուշում
    ՄԱԿ-ի և ռուսական կողմի ֆինանսական աջակցությամբ ծրագիր Տավուշում
    © Sputnik / Asatur Yesayants
1 / 4
© Sputnik / Asatur Yesayants
ՄԱԿ-ի և ռուսական կողմի ֆինանսական աջակցությամբ ծրագիր Տավուշում

— ասաց Աբովյանը։
Նրա խոսքով` դա թույլ կտա այնպես անել, որ ծրագրերը հաջորդական լինեն։

Հայաստանում Ռուսաստանի դեսպանատան խորհրդական-դեսպանորդ Անդրեյ Իվանովը նշեց, որ շատ խորհրդանշական է, որ այս նախագիծը բացվում է Ռուսասատնի և Հայաստանի միջև դիվանագիտական հարաբերությունների հաստատման 25-ամյակին։

«Մեր հարաբերությունները ամեն օր ավելի են խորանում և զարգանում։ Այս մասին մի քանի օր առաջ ասել է Ռուսաստանի դեսպանատուն այցելած Հայաստանի նախագահ Սերժ Սարգսյանը և շնորհակալություն է հանձնել այն ծրագրերի համար, որոնք մենք միասին ենք իրականացնում»,- ասաց նա։

Բացի այդ, Կողբ համայնքում, ի ուրախություն տեղացիների, շահագործման է հանձնվել փողոցի լուսավորության նոր համակարգ։ Փողոցների լուսավորության աշխատանքներ են անցակցվել 38 հազար դոլար արժողությամբ։

2015 թվականին Ռուսաստանի կառավարությունն ավելի քան 5 միլիոն դրամ է տրամադրել ՄԱԿ-ի զարգացման ծրագրի «Համալիր աջակցություն գյուղական համայնքների զարգացմանը. համայնքների կայունության բարձրացում» նախագծի շրջանակում Տավուշի մարզի 45 սահմանամերձ գյուղի զարգացման համար։

Русская версия

Գլխավոր թեմաներ