ԱԻՆ-ը զգուշացնում է. շոգը նորմայից բարձր է, խուսափեք արևի ուղիղ ճառագայթներից

ԵՐԵՎԱՆ, 27 հունիսի — Sputnik.  Հանրապետության տարածքում հունիսի 27-28-ը, հուլիսի 1-ին սպասվում է առանց տեղումների եղանակ, հունիսի 29-30-ը՝ երեկոյան ժամերին, հատկապես հյուսիսային առանձին շրջաններում սպասվում է կարճատև անձրև և ամպրոպ։

Քամին՝ հարավ-արևմտյան՝ 3-8 մ/վ: Օդի ջերմաստիճանը 27-ին կբարձրանա 3-4 աստիճանով, այնուհետև էապես չի փոխվի:

Երևանում սպասվում է առանց տեղումների եղանակ։ Այսօր ցերեկը կլինի 37-38, երեկոյան ժամերին՝ 33-35 աստիճան տաքություն, հայտնում է ԱԻՆ-ը։

Երևանի հունիսի 27-ի բազմամյա կլիմայական տվյալներ.

•       Օդի առավելագույն ջերմաստիճան`            37.60C (1993 թ.),

•       Օդի նվազագույն ջերմաստիճան`                10.70C (1994 թ.),

•       Օդի միջին օրական ջերմաստիճան`            23.70C։