11:25 22 օգոստոսի 2017
Ուղիղ եթեր
ՀՀ զինանշանը (ձախից) և Աղամյանի առաջարկած տարբերակը (աջից)

Մշակույթի նախարարությունը պետական զինանշանը փոխելու մտադրություն չունի

© Sputnik/ David Galstyan
Հայաստան
Ստանալ կարճ հղումը
15 0 0

Մշակույթի նախարարությունը չի պատրաստվում երկրի պետական զինանշանի վրա կատարել այն փոփոխությունները, որն առաջարկում է Հայաստանի հանրային խորհրդի մշակույթի հարցերի ենթահանձնաժողովը:

ԵՐԵՎԱՆ, 27 հունիսի — Sputnik. Հայաստանի հանրային խորհրդի մշակույթի հարցերի ենթահանձնաժողովի անդամ, Հայաստանի նկարիչների միության նախագահ Կարեն Աղամյանի՝ պետական զինանշանի վրա փոփոխություններ կատարելու առաջարկը կյանքի չի կոչվի։ Այդ մասին Sputnik Արմենիային հայտնեցին մշակույթի նախարարությունից։

«Հայաստանի մշակույթի փոխնախարար Արթուր Պողոսյանը հայտնել է ինձ, որ Աղամյանի առաջարկը քննարկվել է», — ասաց մշակույթի նախարարի մամուլի քարտուղար Ռուզաննա Խաչատրյանը։

Նրա խոսքով, սակայն, առաջարկը դժվար թե օրինագիծ դառնա։

«Նա սեփական նախաձեռնությամբ է որոշել ներկայացնել առաջարկը, որից հետո այդ առաջարկը քննարկվել է մշակույթի նախարարությունում», — ասաց Խաչատրյանը։

Ավելի վաղ Աղամյանը հայտնել էր, որ հայկական զինանշանի վրա որոշ «անճշտություններ» կան և դրանք փոխելու առաջարկն արդեն մեկ տարի է՝ ներկայացվել է ՀՀ մշակույթի նախարարությանը, և ամեն ինչ կախված է նախարարության հետագա քայլերից։ Աղամյանի պնդում է, որ նոր զինանշանի նախագծի վրա աշխատել է մշակույթի նախարարության հանձնարարությամբ։

Русская версия

Գլխավոր թեմաներ