ԵՐԵՎԱՆ, 11 հուլիսի — Sputnik. ՀՀ և ՌԴ արտգործնախարարներ Էդվարդ Նալբանդյանի ու Սերգեյ Լավրովի հանդիպումը կայացել է ավստրիական Մաուէրբախ քաղաքում։ Այս մասին հայտում է ՌԻԱ Նովոստին։
Արտգործնախարարները ջերմ ողջունել են իրար, միմյանց ձեռք սեղմել, զրույցը շարունակվել է փակ դռների հետևում։
Երեքշաբթի նախատեսված է նաև Հայաստանի և Ադրբեջանի արտգործնախարարների հանդիպումը, որին ներկա կլինեն ԵԱՀԿ Մինսկի խմբի համանախագահները։
Նշենք, որ ՀՀ արտգործնախարարը մեկնել է Վիեննա՝ ԵԱՀԿ մասնակից-երկրների արտգործնախարարների ոչ պաշտոնական հանդիպմանը մասնակցելու նպատակով:
