18:06 20 հոկտեմբերի 2018
Ուղիղ եթեր
  • USD483.80
  • GBP630.39
  • EUR554.58
  • RUB7.37
ԱԺ

ՀՀԿ-ի հավատը, Ծառուկյանի ծանր հրետանին, անխոնջ ՀՅԴ-ն ու անհանգիստ Ելքը

Пресс-служба НС РА
Հայաստան
Ստանալ կարճ հղումը
Դիանա Հարությունյան
148 0 0

Այ, այսպիսի խորհրդարան

ԱԺ նախորդ նիստից հետո լրատվամիջոցները գլուխ են կոտրում. այդ ի՞նչ էր գրել ԱԺ նախագահը նախկին գլխավոր դատախազ Կոստանյանին, որ ելույթն արագ-արագ ավարտեց, ձայնն իջեցրեց, բարոյախրատական հռետորաբանությունը թողեց: Ու մինչև կպարզվի միայն երկուսին հայտնի գրության բովանդակությունը, նախորդ մի քանի արտահերթները հետաքրքիր բացահայտումներ են անում:

Ով ինչով եկավ, ինչ արեց

ՀՀԿ-ն, որքան էլ դժվարությամբ, բայց կարողանում է խորհրդարան բերած իր կադրերով ու նրանց  «մեծ հավատով»  կառավարության ներկայացրած նախագծերի կամ շրջանառության մեջ դրված օրենքների մասին լայնորեն արտահայտվել: Հենց նույն Կոստանյանը: Դատախազության աշխատանքի այդպիսի դրվատանք, այդպիսի դասախոսախառն հնչերանգով ու գնահատականներով, վաղուց չէինք լսել: Կամ  արդարադատության նախկին նախարար Հրայր Թովմասյանը: Երբ գործող գլխավոր դատախազը կատարողականի հաշվետվությունը ներկայացրեց ու հայտնվեց խորհրդարանականների թիրախում, հենց նա հիշեցրեց. «Սա դասախոսի և ուսանողի հարցաքննություն չէ, քննություն հանձնելու մի պրոցես չէ»:

Հիշենք Սևանից ջրառի մասին օրենքը. որքան էլ բնապահպաններն ու որոշ պատգամավորներ կոկորդ պատռեցին, օրենքն անցավ: ՀՀԿ-ն ակտիվ հիշեց ու հիշեցրեց ոչ թե էլի լրացուցիչ ջրառի տարիներն ու ջրի անարդյունավետ կորուստը, այլ այն, որ այս տարի հազարավոր հողագործներ շունչը պահած Սևանի ջրին են սպասում:

Ինչևէ, ՀՀԿ-ն իր անելիքը լավ գիտի: Ու ՀՀԿ-ն ինչ արեց, չարեց՝ Դաշնակցությունը թիկունքին կանգնեց: Բնապահպանության դաշնակցական նախարար Արծվիկ Մինասյանն, ասում են, դեմ էր Սևանից լրացուցիչ ջրառին, բայց կուսակցությունը որոշեց ու Արծվիկն էլ լռեց. օրենքին կողմ քվերակեցին: Այստեղ, ինչպես ասում են, շատ ասելիք չկա: ՀՅԴ-ն, որպես կոալիցիոն գործընկեր ու հին կուսակցություն, այս ընթացքում մեկ վրիպում արեց. ռեյտինգային կարգով ՀՅԴ-ից անցած Անդրանիկի անդրանիկ ելույթն էր հայերի՝ գործ տվող ազգ չլինելու մասին: Լուրեր կան, որ Անդրանիկ Կարապետյանի հետ ՀՅԴ-ն կապերը խզել, իրենց սենյակներից էլ հեռու մի սենյակ են ուղարկել:

Խորհրդարանական վրիպակների իմաստով, իհարկե,  անկրկնելի է «Ծառուկյան  դաշինքը: Նախ՝ ակնհայտ դարձավ մի բան. միայն մի քանի պատգամավոր այս խմբակցությունից եղան ու կլինեն հիմնական տեսակետ արտահայտողները: Նաիրա Զոհրաբյան–Միքայել Մելքումյան-Վահե Էնֆիաջյան  տանդեմին միանում է նախկին սոցապնախարար Գևորգ Պետրոսյանը: Երբեմն-երբեմն Գյումրիից Վարդևան Գրիգորյանն է միանում շարքին: Փոխարենը հերթով, շարքով, կարգով, գրեթե նույն հագուստով ու սանրվածքով  ծառուկյանական կանանց ենք տեսնում, որոնք խոստացան իրենց մուտքը խորհրդարան նշանավորել աշխատանքով, բայց դեռ լուռ են: Նրանցից մեկն, ի դեպ, ասում են, հանձնաժողովներից մեկի նիստի ժամանակ գործից այնքան անտեղյակ է եղել, որ շփոթել է երկու փոխնախարար Քոչարյաններին: Արտաքին գործերի փոխնախարար Շավարշ Քոչարյանին է տվել հարցը, որ պատրաստել էր արդարադատության փոխնախարար Վիգեն Քոչարյանին տալու համար:

Այ, այսպիսի խորհրդարան, որտեղ բոլորովին նոր՝ «Ելք» խմբակցության մուտքը հին ու նոր պատգամավորներով, իսկապես, խորհրդարանական աժիոտաժի տպավորություն ստեղծեց: Ակնհայտորեն, սա ամենաակտիվ խմբակցությունն է: Ակտիվ են թե՛ այս ուժի հները, թե՛ նորերը: Հետաքրքիր է, որ նորեկ ելքականների հետ կապված զավեշտներ ոչ լրագրողներն են դեռ արձանագրել, ոչ հակառակորդ պատգամավորները: Պետք է նկատել, որ հենց այստեղից են լսվել այս խորհրդարանում հնչած ամենահիշվող ու դիտված ելույթները: Հենց ամենավերջինը ՝ Նիկոլի քուանշն ու սեքսը Խորհրդային Միությունում: Հիմա լսենք այն։

Յութուբ-ում սա գրեթե 5000 դիտում ունի այս պահին:

Փոխվում է խորհրդարանական տերմինաբանությունն ու հռետորաբանությունը: Օդիոզ հին դեմքերից շատերը չկան, նրանց փոխարեն նորերն են եկել: Աշունը թեժ է լինելու:

Գլխավոր թեմաներ