12:58 18 նոյեմբերի 2018
Ուղիղ եթեր
  • USD485.72
  • GBP621.53
  • EUR550.71
  • RUB7.35
ՀՀ նախագահն այցելեց զինծառայողների վերականգնողական նոր ստեղծվող կենտրոն

ՀՀ նախագահն այցելեց զինծառայողների վերականգնողական նոր ստեղծվող կենտրոն

President
Հայաստան
Ստանալ կարճ հղումը
2610

ՀՀ նախագահը մասնակցել է ապագա բժիշկների ավարտական երեկույթին։

ԵՐԵՎԱՆ, 13 հուլիսի — Sputnik. ՀՀ նախագահ Սերժ Սարգսյանը մասնակցեց Հերացու անվան Երևանի պետական բժշկական համալսարանի գիտխորհրդի հանդիսավոր նիստին։

«Հերացի» թիվ 1 բժշկական համալիրի համալսարանական կլինիկայի բակում կազմակերպած բացօթյա միջոցառմանը, բացի գիտխորհրդի անդամներից ու հյուրերից, մասնակցեցին նաև ծառայության ժամանակ վիրավորում ստացած և այժմ վերականգնողական բուժում անցնող զինծառայողները։

Արարողության ընթացքում ավարտական վկայականներ հանձնեցին ապագա բժիշկներին, այդ թվում նաև` ռազմական բժիշկներին։

«Զինվորական հաշմանդամների և վիրավոր զինվորների աջակցության» կենտրոնում համալիր վերականգնողական բուժում են ստանալու ծառայության ընթացքում հաշմանդամություն և վիրավորում ստացած զինծառայողները։

ԵՊԲՀ–ի ռեկտոր Արմեն Մուրադյանի խոսքով` կենտրոնը կբացվի սեպտեմբերին և համալրված կլինի ամենաարդիական սարքավորումներով։

«Արդեն այսօր մենք կարող ենք հիվանդներ ընդունել։ Բարեբախտաբար, տղաներից շատերը կարողացան հաշմանդամի սայլակից ոտքի կանգնել, առաջին քայլերն անել, մեզ համար դա անսահման երջանկություն է։ Այսօր նրանք այստեղ են և մեզ հետ կիսում են մեր ուրախությունը», – ասաց Մուրադյանը։

Հայաստանի պաշտպանության նախարար Վիգեն Սարգսյանն իր հերթին նշեց, որ կենտրոնի բացումը խոսում է այն մասին, որ անկախության տարիներից ի վեր առաջացած խնդիրները լուծվում են ոչ միայն պետական կառույցների մակարդակով, այլ նաև ողջ հանրության կողմից։

Դիմելով ռազմաբժշկական ֆակուլտետի շրջանավարտներին` նախարարն ընդգծեց, որ հենց նրանցից է կախված լինելու, թե որքան արագ կապաքինվեն, ոտքի կկանգնեն և կրկին հայկական բանակի շարքերը կհամալրեն մեր զինվորներն ու սպաները։

  • ՀՀ նախագահն այցելեց զինծառայողների վերականգնողական նոր ստեղծվող կենտրոն
    ՀՀ նախագահն այցելեց զինծառայողների վերականգնողական նոր ստեղծվող կենտրոն
    President
  • ՀՀ նախագահն այցելեց զինծառայողների վերականգնողական նոր ստեղծվող կենտրոն
    ՀՀ նախագահն այցելեց զինծառայողների վերականգնողական նոր ստեղծվող կենտրոն
    President
  • ՀՀ նախագահն այցելեց զինծառայողների վերականգնողական նոր ստեղծվող կենտրոն
    ՀՀ նախագահն այցելեց զինծառայողների վերականգնողական նոր ստեղծվող կենտրոն
    President
1 / 3
President
ՀՀ նախագահն այցելեց զինծառայողների վերականգնողական նոր ստեղծվող կենտրոն

«Դուք` ամենալուսավոր, մարդասիրական, պատվավոր մասնագիտության ներկայացուցիչներդ, ստիպված եք լինելու աշխատել ամենասարսափելի, տգեղ պատմական երևույթի` պատերազմի պայմաններում։ Սրանում է ձեր աշխատանքի հակասությունը։ Այս մարդիկ լույս են սփռում այնտեղ, որտեղ իշխում է կործանման աստվածը», – ասաց Վիգեն Սարգսյանը։

Պաշտոնական մասի ավարտից հետո ՀՀ նախագահը շրջեց վերականգնողական կենտրոնում, որը կառուցվում է ԵՊԲՀ–ի և ՊՆ–ի աջակցմամբ, ծանոթացավ աշխատանքների ընթացքին և կենտրոնի մատուցվող ծառայությունների ցանկին։ Նախագահը խոստացավ աջակցել այս նախաձեռնության արագ կյանքի կոչմանը։

Русская версия

Գլխավոր թեմաներ