06:49 22 սեպտեմբերի 2017
Ուղիղ եթեր
Մամուլ

Մամուլ. Արա Աբրահամյանի տնտեսական ծրագիրն ու Հայաստանի բնակչության կյանքի որակի ինդեքսը

© Sputnik/ Asatur Yesayants
Հայաստան
Ստանալ կարճ հղումը
2310

Ինչ են գրում թերթերն այսօր։ Sputnik Արմենիան ներկայացնում է օգոստոսի 2–ի մամուլի տեսությունը։

«Իրավունք». Արա Աբրահամյանը տնտեսական ծրագիր ունի

«Նախորդ տարի հոկտեմբերին Հայաստանում տեղի ունեցավ Եվրասիական տնտեսական ֆորումը, որի նպատակն էր կարևորել Հայաստանը որպես ներդրումային երկիր, զարգացնել կապեր՝ Եվրասիական տնտեսական միության գործարար համայնքների և ԵԱՏՄ անդամ երկրների  իշխանության, բիզնեսի ներկայացուցիչների և այլ շահագրգիռ երկրների ու ինտեգրացիոն ասոցիացիաների  միջև»:

Նախաձեռնողը ՌԴ հայերի միության նախագահ  Արա Աբրահամյանն էր:

«Իրավունքը» Արա Աբրահամյանի եղբորից՝  Սերգեյ Աբրահամյանից տեղեկացել է, որ այս տարի հոկտեմբերի 5-7-ը տեղի կունենա ֆորումի 2-րդ համաժողովը: Սերգեյ Աբրահամյանից թերթը հետաքրքրվել է՝ Արա Աբրահամյանը տնտեսական ծրագրեր Հայաստանում  իրագործելու է, թե՞ ոչ:

«Որքանով տեղյակ եմ, Արա Աբրահամյանը տնտեսական մի ծրագիր ունի:  Խոսքը ռուսական ընկերությունների  ներդրումների մասին է:  Սեպտեմբերին ամեն ինչ պարզ կլինի»,- ասել է Սերգեյ Աբրահամյանը»,-գրում է թերթը:

Հայոց աշխարհ. «Իր կյանքի որակից լիովին գոհ է քաղաքացիների 12,1, ամենևին գոհ չէ 14,8 տոկոսը»

«Gallup International Associa­tion-ի անցկացրած հարցումների համաձայն՝ իր կյանքի որակից լիովին գոհ է քաղաքացիների 12,1, ամենևին գոհ չէ 14,8 տոկոսը:

Ըստ «Մարքեթինգի հայկական ասոցիացիա» ՀԿ նախագահ Արամ Նավասարդյանի. «Հարցվածների 1,7 տոկոսն ընտանիքի նյութական ապահովվածությունը գնահատել է «շատ լավ», 60,2 տոկոսը նշել է «միջին», իսկ ահա «վատ»՝ 15,4 տո­կոսը: Հարցին՝ ինչպես են գնահատում երկրի տնտեսական վիճակը. հարցվածների 0.3 տոկոսը պատասխանել է շատ լավ, իսկ ահա շատ վատ է որակել 32,3 տոկոսը»:

Ինչպես են գնահատում վարչապետ Կարեն Կարապետյանի գործելաոճը հարցին, 12,6 տոկոսը պատասխանել է՝ լիովին դրական, 7,6 տոկոսը գործադիրի ղեկավարի աշխատանքը գնահատել է լիովին բացասական:

«Համեմատած մարտ ամսվա ցուցանիշների հետ՝վարչապետի գործելաոճը լիովին դրական գնահատողների թիվը զգալի նվազել է: Այն ժամանակ Կարեն Կարապետյանի գործելաոճը լիովին դրական գնահատում էր 25,1 տոկոսը: Իսկ ահա կառավարության գործունեության վերջին 8 ամիսների գործելաոճը լիովին դրական է գնահատել հարցվածների 10,1 տոկոսը, լիովին բացասական՝ 11,8 տոկոսը»,- նշեց Արամ Նավասարդյանը»,-գրում է թերթը:

Գլխավոր թեմաներ