12:04 25 սեպտեմբերի 2017
Ուղիղ եթեր
Տավուշ

Հակառակորդի կրակոցից Տավուշի Ոսկեվանում խոտածածկ միջանկյալ տարածքներ են այրվել

© Sputnik/ Laura Sarksiyan
Հայաստան
Ստանալ կարճ հղումը
18 0 0

Երեկ` օգոստոսի 1–ին Տավուշի մարզի սահմանային Ոսկեվան գյուղի մոտակայքում հակառակորդի բացած կրակահերթի պատճառով միջանկյալ տարածքներ են այրվել։

ԵՐԵՎԱՆ, 2 Օգոստոս — Sputnik. Տավուշի սահմանագոտում, Ոսկեվան գյուղի հարևանությամբ օգոստոսի 1-ին ադրբեջանական կողմը կրակ է բացել, որի հետեւանքով հրդեհ է բռնկվել հենակետերի միջանկյալ տարածքում: Այս լուրը Sputnik Արմենիայի հետ զրույցում հաստատեց   Ոսկեվանի գյուղապետ Սերյոժա Ալեքսանյանը:

«Գյուղին, բարեբախտաբար, վնաս չի եղել։ Կրակոցներից չոր խոտը բռնկվել էր, դրա հետևանքով նաև ականներ են պայթել: Ցերեկը ժամը 15:00-ին մոտերը հրդեհը սկսվեց, մինչև ուշ երեկոյան շարունակվում էր,պայթյուններ էին լսվում»,-ասաց Ալեքսանյանը:

Գյուղապետը նաև նշեց, որ թեպետ բերքի մեծ մասն արդեն հավաքել են, բայց գնդակոծությունների և կրակոցների պատճառով դեռ հնարավոր չէ հավաքել վտանգավոր տարածքում գտնվող ցորենի դաշտերի բերքը:

Հիշեցնենք, որ հուլիսի 28-ին հակառակորդը կրակել էր հացահատիկի դաշտում աշխատող կոմբայնի վրա ։

Գլխավոր թեմաներ