10:18 25 սեպտեմբերի 2017
Ուղիղ եթեր
«Սասնա Ծռեր»–ի դատավարություն

Փաստաբանները դատավորին խնդրում են «Սասնա ծռերին» վերադարձնել դահլիճ

© Nelli Danielyan
Հայաստան
Ստանալ կարճ հղումը
43 0 0

«Սասնա ծռեր» խմբի անդամների այսօրվա դատավարության ընթացքում ամբաստանյալների պաշտպանները խնդրեցին իրենց պաշտպանյալներին բերել դահլիճ։

ԵՐԵՎԱՆ, 2 օգոստոսի — Sputnik. «Սասնա ծռեր» խմբի անդամների փաստաբանները դատավոր Արտուշ Գաբրիելյանին խնդրեցին և միջնորդեցին իրենց պաշտպանյալներին բերել դահլիճ և նրանց նկատմամբ կիրառված սանկցիաների ժամկետները համարել լրացած։

Դատավորը, սակայն, միջնորդությանը պատասխանելու փոխարեն հայտարարեց, որ փաստաբանները նիստերի չեն գալիս։

Ի պատասխան Արայիկ Խանդոյանի պաշտպան Արայիկ Պապիկյանը հայտարարեց, որ չի կարողացել նիստերի դահլիճ մուտք գործել, քանի որ պայուսակը խուզարկելու պահանջով դատական կարգադրիչները շենքի մուտքի մոտ իրեն արգելել են ներս մտնել։

«Ես հայտարարում եմ, որ այսօր խուզարկության եմ ենթարկվել, ինչն արգելվում է օրենքով»,- դատարանում հայտարարեց փաստաբան Պապիկյանը։

Մեղադրող կողմը « անհիմն» որակեց փաստաբանների միջնորդությունը։

Դատավորն էլ մերժեց այն՝ հայտարարելով 15 րոպե ընդմիջում։

Հիշեցնենք, ամբաստանյալների նկատմամբ դատարանը մի քանի անգամ սանկցիաներ է կիրառել՝ ոտքի չկանգնելու և դրանով  դատարանի նկատմամբ անհարգալից վերաբերմունք դրսևորելու համար։

Գլխավոր թեմաներ