ԵՐԵՎԱՆ, 4 օգոստոսի – Sputnik. Լուսանկարը ուղեկցվում է գրությամբ. «Պաշտում եմ Սևանն ու սևանցիներին»։ Գրող–լրագրող, ռեժիսոր Ռուբեն Փաշինյանի խոսքով` այդ «կրեատիվը» նա նկատել է Դիլիջանի ճանապարհին, ուր նա ուղևորվում է դստեր հետ։
Սովորաբար, Սևանի մոտով անցնող մայրուղու հատվածում ձկնորսները ձուկ են առաջարկում` ձեռքով ցույց տալով դրա չափը։ Դասական հագուստով տղամարդը, որն «էստի համեցեք» էր կանչում, ստիպեց Ռուբենին կանգ առնել ու հեռախոսով անմահացնել այդ մանեկենին։
Ցուցափեղկի վրա առաջարկվող ձկան ցանկում նշված է. իշխան, սիգ, կարաս, խեցգետին, «վոբլա» ու «կապչոնկա»։
Մանեկենի տերերի հետ խոսակցության ընթացքում նրանք հասկացնել տվեցին, որ ինչու իրենք չարչարվեն, երբ այդ աշխատանքն առանց իրենց էլ մանեկենը կանի։
Գրառման ու լուսանկարի հեղինակին շատ էր դուր եկել, որ մանեկենը ոճային արևապաշտպան ակնոց է կրում։
