18:21 19 հոկտեմբերի 2017
Ուղիղ եթեր
Շոգ ամառ

Շոգը չի խնայի մեզ նաև այսօր. 40 աստիճանը դարձել է սովորական ջերմություն

© Sputnik/ Asatur Yesayants
Հայաստան
Ստանալ կարճ հղումը
Եղանակը Հայաստանում (35)
72 0 0

Օգոստոսի 10-ից 14-ը հանրապետությունում սպասվում է բարձր ջերմային ֆոն, Երևանում, Արարատյան դաշտում և Սյունիքի հովիտներում ցերեկը կանխատեսվում է 39-40 աստիճան տաքություն և բարձր կարգի հրդեհավտանգ իրավիճակ: Օդի միջին օրական ջերմաստիճանն այդ օրերին բարձր կլինի նորմայից 4-6 աստիճանով:

ԵՐԵՎԱՆ, 10 օգոստոսի — Sputnik. Ուլտրամանուշակագույն ճառագայթման ինդեքսն օգոստոսի 10-ին կանխատեսվում է 7, որի դեպքում խորհուրդ է տրվում ժամը 11:00-ից 17:00-ն ընկած ժամանակահատվածում խուսափել արեգակի ուղիղ ճառագայթներից:

Երկարատև ֆիզիկական աշխատանքն արևի ուղիղ ճառագայթների տակ կարող է առաջ բերել արևահարություն, զգուշացնում է արտակարգ իրավիճակների նախարարությունը:

Հանրապետության տարածքում օգոստոսի 10-14-ը սպասվում է առանց տեղումների եղանակ: Օդի ջերմաստիճանն էապես չի փոխվի:

Երևանում օգոստոսի 10-14-ը սպասվում է առանց տեղումների եղանակ: Ցերեկը կլինի 39-40, երեկոյան՝  36-37 աստիճան տաքություն։

Երևան քաղաքի օգոստոսի 10-ի բազմամյա կլիմայական տվյալներ.

•       Օդի առավելագույն ջերմաստիճան`          39.50C (2006 թ.),

•       Օդի նվազագույն ջերմաստիճան`              14.30C (1974 թ.),

•       Օդի միջին օրական ջերմաստիճան`          26.20C։

թեմա:
Եղանակը Հայաստանում (35)

Գլխավոր թեմաներ